Hyrja e ish-bashkëshortit të Drenusha Latifit në edicionin e tretë të “BBVK” ka ngjallur reagime të shumta dhe njerëzit kanë komentuar shumë, duke akuzuar produksionin e reality show-t për promovimin e dhunës. Drenusha e ka akuzuar ish-bashkëshortin, Atillën, për dhunë dhe ka paraqitur prova e foto të dhunës në disa media dhe nisur nga kjo, komentuesit i kanë dalë në mbrojtje Drenushës, duke thënë se ish-i shoqi i saj nuk ka vend në “BBVK” dhe se nuk duhet që në asnjë mënyrë të promovohet dhuna.

Disa persona kanë shkruar jashtë ambienteve të Klan Kosovës “Jashtë dhunuesit”; “Bojkoto Klanin (Kosovën) etj.

Ndërsa Klan Kosova raportoi se është kryer një sulm huligan në ambientet e televizionit, ku 4 gra kanë dalë nga një automjet dhe kanë hedhur mjete të rrezikshme, duke rrezikuar zjarrvënien dhe u bërë rrezik për jetën e punëtorëve.
 
Pas kësaj ngjarjeje, e cila ende nuk është konfirmuar nëse është e lidhur me pjesëmarrjen e ish-bashkëshortit të Drenushës në “BBVK”, televizioni e ka dënuar ashpër sulmin dhe ka kërkuar që organet e rendit të merren me çështjen.
 
Njerëzit nuk janë ndalur aspak, duke komentuar thuajse në çdo postim në Instagram-in e “BBVK”.

Të shumtë janë njerëzit që pyesin me të drejtë se si një dhunues mund të jetë pjesë e reality show-t.

Të tjerë e quajnë Drenushën një "grua të fortë", e cila po përballet me një situatë të vështirë.

Komentues të tjerë thonë se duhet bojkotuar programi dhe se produksioni ka gabuar rëndë me këtë vendim.

Artikuj të sugjeruar: