Gisele Bündchen u pa për herë të parë në publik me barkun e saj të rrumbullakosur, duke konfirmuar kështu lajmet se është në pritje të fëmijës së saj të parë me të dashurin Joaquim Valente. Supermodelja, 44 vjeç, u fotografua në Miami.
Bündchen ishte veshur me një fustan të shkurtër të zi, që tregonte barkun e saj rrumbullak. Flokët i kishte kapur me gërshet dhe mbante syze dielli, ndërsa në krah kishte një çantë të madhe në ngjyrë bezhë nga marka Naghedi.
Bündchen, e cila është nënë e dy fëmijëve me ish-bashkëshortin Tom Brady - është rreth pesë ose gjashtë muajshe shtatzënë, sipas burimeve për TMZ.
Ajo e kishte mbajtur barkun e saj të fshehur deri tani. Më 12 tetor, u fotografua duke dalë nga një klasë pilates në Miami, duke mbajtur një çantë të madhe për të mbuluar barkun e saj.
People raportoi të hënën që Bündchen është në pritje të një fëmije. “Gisele dhe Joaquim janë të lumtur për këtë kapitull të ri në jetën e tyre dhe mezi presin të krijojnë një ambient të qetë dhe plot dashuri për gjithë familjen,” tha një burim anonim.
Ish-engjëlli i Victoria’s Secret, e cila ngjalli thashethemet për lidhjen me Valente në nëntor të vitit 2022, thuhet se është “e emocionuar” që do të sjellë në jetë një fëmijë me instruktorin e jiu-jitsu-t. “Ata fillimisht ishin miq, por kanë qenë në një lidhje serioze prej më shumë se një viti,” tha një burim për People.
Burimi gjithashtu shtoi se Bündchen planifikon të lindë në shtëpi, pasi është “shumë e lumtur në Miami” dhe “e shijon jetën e saj atje.”
Artikuj të sugjeruar:
