Aktori i njohur i “Gossip Girl,” Ed Westwick, ndau me ndjekësit lajmin e ëmbël se po bëhet baba! Ai dhe bashkëshortja e tij, Amy, ndanë disa fotografi të bukura nga seti fotografik i shtatzënisë.

Amy ishte veshur me një fustan të gjatë mëndafshi të bardhë, me rripa të hollë dhe të çarë në anë, ndërsa Ed përshtatej me veshjen e saj, i veshur me një bluzë të bardhë dhe pantallona të zeza. Ed nuk e shoqëroi publikimin me ndonjë përshkrim, por barku i Amy-t ishte i dukshëm.

Në komentet e postimit, shumë nga ndjekësit e Ed-it e uruan çiftin për këtë lajm të lumtur, përfshirë edhe “nëna” e tij nga seria “Gossip Girl,” aktorja Kelly Rutherford, me të cilën Ed ka mbajtur një raport të ngushtë ndër vite.

Lajmi për bebin e tyre erdhi vetëm pak muaj pas dasmës romantike në Itali. Çifti i tha “po” njëri-tjetrit gjatë një ceremonie në gusht.

Artikuj të sugjeruar: