Bleona Qereti ka deklaruar se është në planet e saj që të krijojë një familje dhe të bëhet nënë në të ardhmen. Në një intervistë për “Pardon my french”, artistja përveçse foli për planet në fushën profesionale, zbuloi edhe disa të reja për jetën e saj personale.
Lidhur me tekstin e këngës “Stani,” ku ajo ironizon mungesën e një burri në jetën e saj, Bleona shpjegoi:
“Është e vërtetë që nuk kam burrë dhe e solla këtë në ‘Stani’ si një mënyrë për të ironizuar [faktin]. Kjo ideja ‘Nuk kam burrë’ konsiderohet si pengesë, por nuk është fare ashtu.”
Më tej, Bleona shprehu se martesa dhe të pasurit fëmijë janë në planet e saj të së ardhmes, duke thënë:
“Doja të thoja që kam në plan për t’u martuar, për të bërë fëmijë. Realisht janë në planet e mia, të afërta apo të largëta nuk e di, sepse nuk jam Zoti”.
Më tej, ajo theksoi se do që t'i kushtojë më shumë vëmendje jetës private, ‘për të balancuar’ kështu edhe këtë aspekt të jetës së saj, pasi ndihet se ‘karrierën e saj si artiste e ka vendosur në vijë ashtu siç ajo dëshironte’.
Artikuj të sugjeruar:
