Olivia Rodrigo rrezikoi të përfundonte në një situatë shumë të sikletshme! Gjatë turneut të saj të fundit “GUTS Tour,” këngëtarja u ndalua në kufirin kanadez pasi u ngatërrua për dikë tjetër me një emër të ngjashëm dhe me dosje penale.
Gjatë një interviste të fundit në “The Tonight Show Starring Jimmy Fallon,” Olivia kujtoi momentin kur ndodhej te Kontrolli i Kufirit në Kanada dhe një oficer i kërkoi që të dilte nga makina.
Ajo u shpreh: “I jap pasaportën dhe ata më thonë, mirë, s’ka problem. Pastaj trokasin në derë dhe më thonë, na duhet Olivia. Dhe unë mendoj, kam dhënë disa koncerte. Mbase vajza e tyre do një autograf. Dal jashtë, ishte ora 3:00 e mëngjesit dhe isha e lodhur, më çuan në një dhomë dhe ishte dhomë marrjeje në pyetje. Aty ishte një polic i madh me armë dhe më tha: ‘A je arrestuar ndonjëherë?’ Unë u përgjigja: ‘Jo, s’jam arrestuar.’ Ai më tha: ‘Je e sigurt?’ Fillova të dyshoja te vetja. Mendova se mos më kanë arrestuar dhe nuk e dija!”
Ajo shtoi, “Ai tha: “Mund të përfundosh në burg nëse gënjen një oficer”. Kjo ishte shumë e keqe. Filloi të më kapte paniku. Mendova se s’do të më lejonin të kthehesha në Amerikë. Isha shumë e frikësuar, më kapi një sulm paniku. Pas 30 minutash marrjeje në pyetje, ai më pyeti: ‘Si e ke emrin?’ Iu përgjigja, ‘Olivia Rodrigo, R-O-D-R-I-G-O.’ Dhe ai më tha: ‘Oh, është një vajzë që duket si ty, është në moshën tënde, është arrestuar disa herë. Dhe quhet Olivia Rodriguez.’”
Ja, për një shkronjë u bë nami.
Artikuj të sugjeruar:
