Festa e Halloween-it ka mbërritur dhe nëse panifikon të qëndrosh në shtëpi sonte, të sugjerojmë listën e përsosur të filmave horror koreanë. Këta filma përzihen me thellësinë emocionale, marrëdhënie komplekse dhe komplote të papritura që të bëjnë të mendosh. Ja 10 prej këtyre filmave:
“Train to Busan” (2016)
Ky nuk është vetëm një film i zakonshëm me zombie: ka zemër, aksion, shpejtësi dhe disa momente vërtet emocionale. Kur përhapja e një virusi prek të gjithë qytetin, kaosi mbulon mbarë vendin duke nxjerrë në pah pasojat e tmerrshme me të cilat përballet shoqëria. Nëse nuk e keni parë ende, shtojeni në listën tuaj të Halloween-it sa më shpejt të mundeni.
“Alive” (2020)
Ky është një film për gjithë introvertët. ‘Alive’ tregon historinë e një lojtari të bllokuar në banesën e tij gjatë një pushtimi të zombie-ve, i ‘armatosur’ vetëm me Wi-Fi, video lojëra dhe disa aftësi të dyshimta mbijetese. Është kombinimi i përsosur i argëtimit dhe frikës së bashku.
“The Call” (2020)
A keni menduar ndonjëherë se përgjigjja e një telefonate mund t'ju shkatërrojë jetën? “The Call’ është një thriller që gërsheton kohën, ku dy gra, të lidhura me një telefonatë nga periudha të ndryshme kohore, fillojnë të luajnë me fatin e tyre.
“Unlocked” (2023)
Ky film është në thelb makthi i çdo njeriu në ditët e sotme: dikush vjedh informacionet në telefonin tuaj dhe ju shkatërron jetën. Nëse jeni shqetësuar ndonjëherë për shpërndarjen e tepërt të informacionit në internet, ky film do t’ju krijojë shqetësime të reja. Është plot me terma të lidhura me teknologjinë, kështu që nëse po përpiqeni të përmirësoni dhe këtë aspekt të fjalorit tuaj, shfrytëzoni rastin.
“A tale of two sisters: Supernatural elements” (2003)
Ky film është një thriller i pastër psikologjik, me një dramë të frikshme familjare, ngjarje të çuditshme, elementë të mbinatyrshëm dhe shumë trauma emocionale.
“Thirst” (2009)
Ky nuk është filmi tipik me vampirë. Etja për gjak tundon një prift katolik i cili aksidentalisht kthehet në një vampir pas një eksperimenti mjekësor të dështuar. Është i errët dhe filozofik- gjithçka që nuk dinit se dëshironit nga një film horror.
“Death Bell” (2008)
Imagjinoni se jeni duke kryer provimet tuaja të shkollës së mesme, por nëse dështoni, vdisni. Po, “Death Bell” është pikërisht kjo. Ky thriller paraqet një vrasës serial, duke krijuar një konflikt intensiv dhe psikologjik.
“The mimic” (2017)
“Mimic” është frymëzuar nga një legjendë urbane koreane për tigrin Jangsan - një krijesë që imiton zërat njerëzorë për të joshur njerëzit në pyll. Filmi tregon historinë e një familjeje që ndeshet me një fëmijë të humbur me një ngjashmëri të frikshme me djalin e tyre të humbur, duke i çuar të jetojnë në një makth të vërtetë. Është rrënqethëse në një mënyrë të ngadaltë, me atmosferë shqetësuese dhe frikëra të frymëzuara nga folklori.
“The host” (2020)
Një takim virtual rrënqethës në Zoom ka shkuar keq dhe zhvillohet për të treguar se si bëhet një histori horrori.
“Cinderella” (2006)
Hirushja kësaj radhe, prezanton një vajzë misterioze, një personazh kryesor të mbështjellë me enigmë dhe intriga, duke hedhur një vështrim të errët ndaj kotësisë dhe standardeve të bukurisë, me një kthesë të sekreteve familjare. Do ta pëlqeni këtë film për dialogun e tij poetik dhe të frikshëm; plus, është dhe një mënyrë e shkëlqyer për të mësuar ca fraza të thjeshta përshkruese koreane.
Artikuj të sugjeruar:
