Aktori britanik Hugh Grant, 64 vjeç, ndau për herë të parë historinë e emrave të vajzave të tij, gjatë një interviste në emisionin “Jimmy Kimmel Live” të martën, më 29 tetor. Grant rrëfeu se ishte në një moment paniku kur po vendoste emrat e fëmijëve të tij.
Gjatë intervistës, Jimmy Kimmel e pyeti aktorin për emrin e tij të dytë të pazakontë, “Mungo”. “A është e vërtetë që emri yt i mesëm është Mungo?” pyeti Kimmel. Pasi Grant u përgjigj “po”, Kimmel e pyeti se si kishte përfunduar me një emër të tillë.
“Është në fakt Hugh John Mungo,” sqaroi Grant. “Nuk e di si ndodhi. Kam pasur prindër shumë të pasjellshëm,” u shpreh ai me humor.
Kur Kimmel e pyeti nëse ia kishte trashëguar këtë traditë të emrave të mesëm fëmijëve, aktori zbuloi se vajza e tij 8-vjeçare ka një tjetër emër të pazakontë.
“Edhe më keq. Një nga vajzat e mia e quajtëm… Unë isha në panik të madh atë ditë kur po i vendosnim emrin dhe menduam se do të ishte interesante që kur të rritej të mund të thoshte se emri i saj i mesëm ishte ‘Rrezik’. Prandaj e quajtëm Lulu Danger Grant,” shpjegon Grant.
Gjatë intervistës, aktori shpjegoi gjithashtu se, ndonëse nuk është shumë adhurues i Halloween-it, vajzat e tij janë të apasionuara pas kësaj feste.
“Fëmijët e mi e adhurojnë (Halloween-in). E adhurojnë,” thotë ai. “Në fakt, Lulu Danger Grant dhe motra e saj Blue Grant, të cilën e quajtëm Blue sepse përsëri ishim në panik me emrat. I kërkuam vëllait më të madh të Lulu-s një ide kur ajo ishte ende në bark,” shpjegon ai.
“I thamë, ‘Do të vijë një bebe e re, si mendon se duhet ta quajmë?’ Dhe ai tha, ‘Kevin,’ sepse ishte Minioni i tij i preferuar nga filmi “Despicable Me”, shpjegon Grant duke qeshur. “Edhe menduam ta quanim Kevin, por pastaj i kërkuam të mendonte diçka tjetër. Atëherë tha ‘Blue’, sepse ishte ngjyra e tij e preferuar.”
Artikuj të sugjeruar:
