Halsey, e cila së fundmi na tregoi se është fejuar me Avan Jogia, aktorin e ‘Victorious’, tregoi disa detaje nga momenti i veçantë i propozimit nga i fejuari i saj. Gjatë intervistës, Halsey zbuloi se Jogia, 32 vjeç, e bëri propozimin në Barcelonë, aty ku çifti u lidh.

“Ndodhi aty ku filluam të shoqëroheshim për herë të parë, kështu që ishte vërtet e veçantë për ne. Nuk isha e sigurt në isha gati të thosha po, por gjithashtu mendova, "Ai është njeriu më mahnitës, më i zgjuar, më seksi, më i këndshëm që kam takuar ndonjëherë në jetën time, kështu që s’kam për ta lënë të më shpëtojë nga duart,” u shpreh ajo.

Këngëtarja 29-vjeçare vazhdoi: "Ishte vërtet propozim i ëmbël. Menjëherë pas kësaj, ai u largua për të xhiruar një shfaqje për rreth gjashtë muaj në Kanada. Pra, nuk e kemi pasur rastin të jemi ‘të fejuar’, por tani ai po kthehet në shtëpi dhe mendoj se do të kemi gjithë kohën që na duhet.”

Në të kaluarën, Halsey tha se nuk ishte e interesuar për idenë e martesës. E pyetur se çfarë e bëri të ndryshonte mendje mbi martesën, ajo u përgjigj thjesht: “Avan”.

"Unë e dua atë në një mënyrë të tillë që ndihem sikur do të ishim po aq mirë edhe nëse nuk do të martoheshim. Por diçka rreth këtij mendimi më bën të dua edhe më shumë të martohem me të."

Jogia dhe Halsey u panë për herë të parë së bashku në shtator të vitit 2023, kur u fotografuan duke u puthur në Los Angeles. Rreth një muaj më vonë, Halsey postoi disa foto në Instagram me Jogia-n, duke konfirmuar kështu lidhjen e tyre zyrtarisht.

Këngëtarja e "Bad at Love" konfirmoi fejesën e tyre më pas në X. Në një postim shkruhej, "Halsey thotë se shpreson të martohet me të dashurin Avan Jogia", me një foto të çiftit. Halsey iu përgjigj postimit duke korrigjuar fjalinë: "me të fejuarin* Avan Jogia."

Halsey më parë ka qenë në një lidhje me skenaristin turk Alev Aydin, me të cilin ka dhe një djalë 3-vjeçar, Ender Ridley. Të dy thanë se patën "një ndarje miqësore" pas katër vitesh së bashku, duke e konfirmuar ndarjen në prill të vitit 2023.

Artikuj të sugjeruar: