Të gjithë herë pas here humbasim në mendimet tona. Ndërsa imagjinimet e skenarëve të ndryshëm në kokën tuaj janë të zakonshme, kur këto ëndrra me sy hapur kalojnë në delirim, ato mund të ndikojnë në shëndetin tuaj mendor dhe madje edhe fizik.

Çfarë është ‘Maladaptive daydreaming’?

‘Maladaptive daydreaming’ ndodh kur një person angazhohet në periudha të zgjatura të ëndërrimit me sy hapur, shpesh për orë të tëra, zakonisht për të përballuar një problem të caktuar në jetë.

Kjo shkakton shqetësime dhe dëmtime të konsiderueshme. Një person konsumohet aq shumë nga ëndrra e tij me sy hapur, saqë mund të dështojë në përfundimin e punëve dhe detyrave të tjera të përditshme, ose të fillojë të tërhiqet nga miqtë dhe familja.

Megjithatë, ‘maladaptive daydreaming’ nuk është një sëmundje mendore. Personi që përjeton ‘maladaptive daydreaming’ nuk e ngatërron atë që imagjinohet me realitetin, por simptomat shpesh shkaktojnë shqetësime të konsiderueshme emocionale dhe ndikojnë negativisht në funksionimin e përditshëm të një personi.

Shenjat përfshijnë:

-shmangien e ndërveprimit dhe aktiviteteve shoqërore;
-paaftësinë për të kryer punë ose detyra të tjera të përditshme;
-ndjenja ekstreme turpi ose faji;
-ndjenja e një nevoje të detyrueshme për të ëndërruar me sy hapur që nuk mund ta kontrolloni.

Shkaqet e ‘Maladaptive daydreaming’

Edhe pse shkaku i ‘maladaptive daydreaming’ është i panjohur, ekspertët besojnë se mund të jetë një mekanizëm për të përballuar çrregullime të tjera të shëndetit mendor. Dhe ndërsa mund të ndodhë në mënyrë të pavarur, ‘maladaptive daydreaming’ shpesh shihet së bashku me çrregullime të tjera të shëndetit mendor.

Disa çrregullime të zakonshme të lidhura me shëndetin mendor përfshijnë:

-ankthin;
-depresionin;
-çrregullimin obsesiv-kompulsiv (OCD);
-çrregullimin e mungesës së vëmendjes dhe hiperaktivitetit (ADHD).

Trajtimi për ‘maladaptive daydreaming’ duhet të personalizohet bazuar në nevojat tuaja individuale dhe historinë shëndetësore. Nuk ka një trajtim standard për të, por trajtimi i kushteve të tjera të lidhura me shëndetin mendor mund të ndihmojë. Opsionet e trajtimit për këto mund të përfshijnë:

-psikoterapinë si terapia njohëse e sjelljes (CBT);
-mjekime kundër ankthit, si antidepresantët ose antipsikotikët.

Terapia mund t'ju ndihmojë të kuptoni më mirë pse po ndodh ‘maladaptive daydreaming’ dhe nëse është e nevojshme, mësoni strategji për të përballuar traumat e së kaluarës. Terapia gjithashtu mund të ndihmojë në përmirësimin e shëndetit tuaj të përgjithshëm mendor.

Përmirësimi i shëndetit tuaj mendor dhe fizik ndihmon jo vetëm për të trajtuar, por edhe për të parandaluar ‘ëndërrimin e papërshtatshëm’.

Strategji të tjera parandaluese përfshijnë:

-përmirësimin e cilësisë së gjumit;
-vendosjen e një diete të shëndetshme dhe një rutine ushtrimesh;
-zvogëlimin e stresit duke u ekspozuar ndaj rrezeve të diellit;
-ushtrime të frymëmarrjes.

Artikuj të sugjeruar: