@_jayoo_/ Instagram

Jua kishte marrë ndonjëherë mendja se djali i kryetarit të bashkisë së New York-ut do të vinte në Shqipëri për të prezantuar këngën e tij në "Kënga Magjike"?

Po flasim për Jordan Coleman, të riun, i cili po synon të njihet jashtë ShBA, edhe pse i ati i tij është Eric Adams, kryetari i bashkisë të një prej qyteteve më të rëndësishme në Amerikë. Jordan dhe i ati janë totalisht #goals, pasi kanë një marrëdhënie shumë të bukur dhe të shëndetshme. Domethënë, e tregojnë qartazi edhe postimet e tij në Instagram, sidomos kjo ku reperi shkruar: “U zgjova në 2022-shin, jam djali i kryetarit të bashkisë”.

Epo, në këtë edicion të "Kënga Magjike" prisnim gjithçka përpos reperit. Ardit Gjebrea bëri një spoiler dhe mesa duket, e kishte shumë seriozisht. 

Jordan Coleman u prezantua me këngën  "Itsy Bitsy" dhe e vështirësoi goxha garën për “New International Artist”. Menjëherë, të pestë anëtarët e jurisë: Pirro Çako, Ema Andrea, Jonida Maliqi, Anxhela Faber dhe Kozeta Kurti i dhanë dritën jeshile për të vijuar garën. Pra, direkt, 5 jeshile për Jordan Coleman!

Coleman, i njohur si Jayoo, ka si qëllim që të njihet edhe përtej ShBA, si reper. Për këtë, zgjodhi të debutonte pikërisht në Shqipëri dhe më specifikisht, në “Kënga Magjike”.

Coleman u shpreh për “Complex” se është rritur gjithmonë me frymën e muzikës rap, pasi e ëma ishte një fanse e madhe e legjendave 2Pac dhe Biggie. Gjithashtu, nuk mungonin këngët e Jay-Z. Këtë dashuri për rap, e transmetoi te Jordan, i cili thekson se muzika rap dhe hip hop lidhet lehtësisht me zhanerat e tjerë muzikorë, dhe sigurisht, ka në plan që të bëjë revolucion në këtë industri. Deri më tani, reperi ka publikuar 2 albume, super të suksesshme.

Dhe nëse deri tani e keni shumë për zemër reperin, prisni kur të shihni filmat e tij “The Backyardigans” (2004), “Prayin’ the Rice” (2011) dhe “Placeholders” (2012).

Ah, është nga ata njerëzit e talentuar që dinë të bëjnë gjithçka: aktor, regjisor, reper dhe aktivist.