Egla, përmes një pyetësori në Instagram, u ka dhënë mundësi ndjekësve (dhe jo vetëm) t’i bëjnë pyetje të ndryshme. Duke qenë se ajo është pjesë e “Goca dhe Gra”, sigurisht, nuk munguan pyetjet për largimin e Heidit, madje edhe për marrëdhënien e saj me Romeo Veshajn.
Dikush e pyeti se ç'mendon për largimin e Heidit dhe Egla u shpreh:
"U tregua e dobët. Ia thashë edhe në sy".
Më tej, theksoi se nuk i hyn fare në xhep nëse Heidi dhe Romeo i kanë dhënë fund lidhjes së tyre.
Dhe e bëri të qartë se nuk mendon asgjë për ta.
Një tjetër person i tha Eglës se e hapi ask-un për të marrë pyetje për Heidin dhe vëmendje. Aktorja nuk ia kurseu përgjigjen:
"Zemra, pse do të shohësh "armiqësi" me patjetër? Po të doja vëmendje i kisha futur një të dashuruar publikisht dhe nuk isha lodhur fare. I kam të qarta idetë për vëmendjen që dua dhe nuk dua. Unë bëj ask se kam qejf. Po ja...lihesh ti pa këtë lloj përgjigjeje? Jo", shkroi ajo.
Heidi u largua nga emisioni, duke dhënë edhe arsyen e rigjetjes së vetes.
“Vijnë ca momente në jetë… Nuk dua të krijohen polemika, është vendim i peshuar dhe për arsye personale. Unë duhet të rigjej veten, listën e prioriteteve të mia dhe të shoh ku do jem", tha ajo ndër të tjera.
“Është një moment që, sado jam ndjerë shumë mirë, me dyer të hapura, ndihem shumë mirënjohëse për këtë, në fakt unë punoj për të jetuar, nuk jetoj për punën. Por së ardhmes nuk i dihet asnjëherë,” përfundoi ajo, duke lënë të hapur mundësinë për të rikthyer në ekran në një moment tjetër.
