Nicole Scherzinger, 46 vjeç, tregoi ndjesitë e saj për humbjen e papritur të Liam Payne, në intervistën e saj të parë që pas tragjedisë. Gjatë një paraqitjeje në "Good Morning America" në New York City, ajo u shpreh se ishte zemërthyer për vdekjen e këngëtarit 31-vjeçar, duke theksuar afërsinë e tyre dhe bashkëpunimin e fundit në projektin "Building The Band".

Scherzinger ishte një nga figurat kryesore që e ndihmoi Payne të bëhej pjesë e One Direction gjatë "X Factor" në vitin 2010.

Në Instagram, Nicole publikoi një deklaratë, ku kujtoi kohën që ndanë së bashku, që nga krijimi i One Direction deri në momentet e fundit pak javë para vdekjes së tij tragjike. “Unë do ta vlerësoj përgjithmonë kohën që ndamë së bashku,” shkroi këngëtarja krahas selfieve me Liam dhe Kelly. Puna me ju së fundmi ishte një bekim. Ne ndamë të njëjtën dashuri dhe pasion për muzikën dhe do t’i kujtoj gjithmonë bisedat kuptimplota dhe të gëzueshme që patëm.”

Nicole pranon se e ka pasur të vështirë ta pranojë që Liam ka ndërruar jetë. “Jam mirënjohëse që kam njohur zemrën tënde të mirë, shpirtin dhe karakterin tënd të ëmbël”, tha ajo për këngëtarin e One Direction. “Ti solle kaq shumë gëzim, dritë dhe të qeshura në jetën e atyre që të njohën vërtet.” 

Payne u nda nga jeta pasi ra nga ballkoni i një hoteli në Buenos Aires, duke lënë fansat dhe miqtë e tij të tronditur.

Në intervistën e saj, Nicole theksoi se Payne ishte një njeri që udhëhiqej nga zemra dhe mirësia, duke shpresuar që kështu të mbahet mend gjithmonë. Ajo e përfundoi intervistën me fjalë prekëse për Liam, duke e përshkruar si një shpirt të ëmbël dhe një mik të dashur, që gjithmonë do ta mbajë në zemër.

Artikuj të sugjeruar: