Thonë se kur e dashuron dikë, ti ia pranon të gjitha të metat, apo jo? Po, në teori. Por kur diçka që dikur as e vije re, tani të acaron pothuajse çdo ditë? E kemi kaluar të gjithë – tapa e pastës së dhëmbëve gjithmonë hapur; kapaku i tualetit gjithmonë i ngritur; sirtaret e pambyllur apo çorapet e hedhura kudo. Po çfarë mund të bësh kur zakonet e këqija të partnerit po të shkatërrojnë qetësinë? Ja disa mënyra se si t’i përballosh me qetësi dhe dashuri!
1. Zgjidh betejat e duhura (ose do të humbasësh luftën)
Le ta qartësojmë pak: jo për çdo zakon të keq duhet të nisni sherr. Po, e dimë që ai i lë çorapet kudo. Por a ia vlen vërtet të humbasësh gjumin dhe durimin për këtë? Zgjidh me mençuri se për çfarë do të ankohesh. Nëse grindesh për çdo gjë të vogël, shumë shpejt shtëpia do të kthehet në një fushë beteje.
2. Qesh ose qaj (por më mirë qesh)
Në vend që të nervozohesh, më mirë përpiqu t’i kthesh në diçka qesharake. Qesh me faktin që partneri yt e trajton lavamanin si ekspozitë, ose imagjinoje veten si një agjente sekrete që zbulon “misterin e pijes që nuk vendoset kurrë në frigorifer.” Kur e kthen nervozizmin në humor, e përballon më mirë situatën.
3. Sistemi i shpërblimit funksionon gjithmonë
Hej, kush nuk e do një shpërblim? Në vend që të ankohesh gjithmonë për të njëjtën gjë, përpiqu të përdorësh një sistem të vogël shpërblimi. Diçka si: “Nëse nuk i lë më tiganët kaq rrëmujë, premtoj se do të gatuaj [darkën e tij të preferuar] të premten.” Fun fact: Kjo taktikë ka funksionuar me fëmijët për vite me radhë, pse të mos e provosh edhe me partnerin?
4. Kujtoje...me stil
Nëse humori dhe shpërblimi nuk funksionojnë, atëherë mund të provosh një taktikë tjetër: kujtoje me stil. Për shembull, komento se sa shumë të pëlqen rregullsia ose se sa bukur duket dhoma kur është e pastër.
5. Stili juaj i jetesës duhet të jetë në sinkron
Disa zakone, sidoqoftë, nuk janë kaq të lehta për t’u anashkaluar, sidomos kur cenojnë cilësinë e jetës. Për shembull, nëse partneri është duhanpirës dhe ty të duket sikur po jeton në një re tymi, ndoshta është koha të flisni për alternativa më të mira. Nëse partneri yt nuk dëshiron të heq dorë nga nga duhani, mundt’i sugjerosh IQOS, një pajisje që ngroh duhanin pa e djegur, duke larguar tymin, hirin dhe lë më pak aromë të pakëndshme në rroba, divanë e perde.
6. Prano që askush nuk është perfekt (as ti)
Po aq sa të bezdisin zakonet e këqija të tij, edhe ti me siguri e nervozon për diçka. Ndoshta ai e urren faktin që ti gjithmonë i bën 100 foto darkës para se të hash. Prandaj, ndonjëherë mënyra më e mirë për ta menaxhuar një situatë të pakëndshme është ta marrësh me qetësi dhe të kujtosh që askush nuk është i përsosur (madje as ti).
Në fund të fundit, marrëdhëniet janë një ndërthurje e kompromisit, durimit dhe (ndonjëherë) e disa ushtrimeve ku numërojmë deri në 100. Dhe nëse gjëja më e keqe që bën është që i të pak çorapet e shpërndara, merr frymë thellë dhe thuaji vetes: epo mirë, nuk është fundi i botës!
- Artikull promovues
