Nicole Kidman pranoi në një intervistë të re se xhirimi i skenave intime për filmin e saj të ardhshëm erotik “Babygirl,” ishte aq i lodhshëm sa që i duhej të bënte pauza gjatë xhirimeve.

“Pati momente gjatë xhirimeve kur thosha: ‘Nuk dua të imitoj më orgazmë,’” tha aktorja e njohur, 57 vjeç, për The Sun.

Në filmin e ardhshëm, Kidman luan rolin e një CEO-je të fuqishme, e cila përfshihet në një lidhje me një djalë shumë më të ri, luajtur nga Harrison Dickinson. Bashkëshorti i saj portretizohet nga Antonio Banderas.

Ylli i “Moulin Rouge” shtoi se ishte “aq e përqendruar gjatë gjithë kohës” gjatë skenave intime sa që për pak sa nuk pësoi “djegie emocionale,” duke theksuar se shpesh ndiente se kishte arritur një pikë ku thjesht “ishte lodhur”.

Ajo pranoi se kishte “një sasi të madhe ndarjeje dhe besimi, por edhe frustrimi” mes saj dhe kolegëve të saj në skena. Megjithatë, Kidman theksoi se ajo, Dickinson, 28 vjeç, dhe Banderas, 64 vjeç, kujdeseshin shumë për të treguar historinë e filmit.

“Të gjithë ishim shumë të kujdesshëm dhe e ndihmuam njëri-tjetrin, Harris, Antonio…” tha ajo.

Treshja gjithashtu punoi me një koordinator intim për skenat, por Kidman theksoi se as ajo dhe as kolegët e saj nuk ndiheshin të “kufizuar” nga udhëzimet që morën.

“Besoj shumë në faktin se seti i xhirimeve e setit të xhirimeve dhe hapësirës së aktorëve janë të shenjtë dhe kurrë, po kurrë nuk duhet të cenohet,” shpjegoi ajo. “Sepse është e jona, është flluska jonë dhe pastaj ka botën jashtë.”

Ylli i “Bombshell” shtoi se ishte gjithashtu e dobishme të kishte një regjisore grua në set, referuar Halina Reijn, sepse nuk ndihej e “shfrytëzuar.”

“Nuk besoj se do të mund ta kisha bërë këtë film duke punuar me një burrë,” pranoi Kidman. “Në fakt, mendoj se e vetmja mënyrë që mund ta bëja këtë ishte me të, sepse të dyja do të uleshim dhe do të flisnim.”

Aktorja tregoi se ajo dhe Reijn, 48 vjeç, u ulën para xhirimeve dhe diskutuan për dëshirat e saj më “sekrete”. “Folëm për kaq shumë gjëra dhe ende e bëjmë, gjëra shumë të fshehta dhe të ndjeshme - por është një hapësirë e sigurt,” tha ajo.

Kidman gjithashtu ndau se kur lexoi skenarin, mendoi se ishte “shumë qesharak”, por gjithashtu “tërheqës dhe hipnotizues".

Artikuj të sugjeruar: