Të kesh miq është një nga gjërat më të bukura që jeta na ofron, por shpesh vëmë re se ndërsa kalojmë në faza të reja të jetës, ruajtja e miqësive bëhet më e vështirë.   

Kjo mund te ndodhë për arsye të ndryshme. Oraret e ngarkuara janë një faktor kryesor. Si të rritur, oraret bëhen gjithnjë e më të zëna, duke e bërë sfiduese mundësinë për të takuar miqtë. Kjo ndikon direkt në dobësimin e një miqësie. Ndryshimet që ndodhin kur hyjmë në fazën e të qenit të rritur, janë të ndryshme. Ato mund të jenë personale, si në mendime ashtu dhe në stilin e jetës që ne kërkojmë. 

Disa këshilla për të ruajtur një miqësi të shëndetshme:

1.Qëndroni në kontakt vazhdimisht

Në vend që të bëni telefonata të stërgjatura (përjashtojmë rastet, kur personat e shijojnë këtë gjë), mund të dërgoni mesazhe të shkurtra, foto apo meme për të mbajtur raportin pa marrë shumë kohë.

2.Gjestet e vogla kanë rëndësi të madhe:

Surprizoni miqtë me dhurata "pa arsye", si letra të shkruara me dorë, ëmbëlsirat e tyre të preferuara ose ndonjë surprizë të vogël. 

3.Mbani miqtë të informuar për ndryshimet në jetën tuaj:

Të jesh një i rritur dhe të mos ndash momentet e rëndësishme mund të çojë në keqkuptime dhe distancim. Nëse dëshironi që dikush të jetë pjesë e jetës tuaj, tregojuni për ndryshimet që po kaloni.

4.Ndani ndjenjat dhe mendimet:

Shprehni ndjenjat dhe mendimet me miqtë që ju mbështesin dhe ju u besoni. Sa më shumë që flisni, aq më i thellë bëhet intimiteti mes jush.

5.Menaxhoni pritshmëritë:

Kuptoni që jo çdo mik duhet të përmbushë të gjitha nevojat tuaja dhe jo çdo mik do të jetë po aq i afërt. Jini realistë për kapacitetin tuaj dhe rolet e ndryshme që miqtë luajnë në jetën tuaj.

Artikuj të sugjeruar: