Halloween po afron dhe është koha perfekte për t'u zhytur në botën e frikës! Ndërsa netët bëhen më të errëta dhe ajri mbushet me atmosferë misterioze, është momenti ideal për të shijuar disa nga filmat horror. Këtu janë disa sugjerime që do t'ju mbajnë të mbërthyer përpara ekranit dhe do t'ju friksojnë në mënyrën më të mirë të mundshme:
1. "Hereditary" (2018)
Ky film horror psikologjik tregon dhimbjen dhe traumën familjare, duke ndjekur një familje që fillon të zbulojë sekrete të errëta pas vdekjes së gjyshes së tyre të mistershme. Atmosfera dhe performancat e shkëlqyera e bëjnë këtë film drithërues.
2. "The Witch" (2015)
Ngjarjet zhvillohen në Anglinë e viteve 1630 dhe ky film tregon historinë e një familjeje puritane që përballet me magji dhe forca të mbinatyrshme në pyll. Tensioni i ngadalshëm dhe pamjet e frikshme krijojnë një përvojë rrëqethëse.
3. "Midsommar" (2019)
Ky film i zhanrit folklor dhe horror ndjek një grup miqsh që udhëtojnë në Suedi për një festival që ndodh një herë çdo 90 vjet. Ambienti me ngjyra të gjalla bie në kundërshtim me ngjarjet shqetësuese që ndodhin, duke e bërë ktë film një përvojë unike horrori.
4. "Get Out" (2017)
Një kombinim mes horrorit dhe temave sociale, në këtë film do të shohim një burrë të ri me ngjyrë që zbulon sekrete shqetësuese kur viziton familjen e të dashurës së tij. Është nje film që krijon mendime provokuese ashtu si dhe suspancë, duke e ripërcaktuar gjininë e horrorit.
5. "The Cabin in the Woods" (2011)
Një grup miqsh shkojnë në një kabinë të izoluar, vetëm për t'u manipuluar nga forca të mbinatyrshme. Ky film kombinon në mënyrë të zgjuar humorin dhe horrorin, duke ofruar një mendim ndryshe mbi këtë zhanër.
Artikuj të sugjeruar:
