Pas 20 vitesh, filmi i famshëm me Lindsay Lohan dhe Jamie Lee Curtis do të ketë një vazhdim, të titulluar zyrtarisht “Freakier Friday”. Filmi do të dalë në kinema më 8 gusht 2025, sipas Disney.

Filmi do të ndjekë Anna-n (Lohan), e cila tani ka një vajzë 14-vjeçare, Harper dhe do të përfshijë më shumë kaos me ndërrime trupash. Këtë herë, Anna dhe Tess nuk do të shkëmbejnë trupat me njëra-tjetrën, por me vajzat adoleshente, Harper dhe Lily.

Filmi premton të sjellë të njëjtin humor që bëri të famshëm, por me një kthesë të re që përfshin brezin e ri.

Njerëzit mezi po presin rikthimin e Jamie Lee Curtis dhe Lindsay Lohan në ekran, për më shumë momente të çmendura dhe emocionuese. “Nuk do mendoj për asgjë tjetër për 301 ditë!”; “Ribashkimi që meritojmë!”; “Koha për të riparë filmin e parë përsëri!”, u shprehën disa komentues në Instagram.

Me regjinë e Nisha Ganatra dhe një kast të dashur për publikun, ky vazhdim pritet të jetë po aq argëtues sa filmi i parë.

Artikuj të sugjeruar: