Alaudin Hamiti, i ftuar në “SOL” në Klan Kosova, foli për edicionin e tretë të “Big Brother VIP Kosova”, që do të nisë më 18 tetor. Ai konfirmoi se programi do të bashkëmoderohet nga ai dhe Jonida Vokshi:
“Jemi shumë të lumtur që do të kthehemi përsëri së bashku për këtë sezon të ri. Kemi krijuar një harmoni të veçantë gjatë dy edicioneve të mëparshme dhe mezi presim të sjellim emocione të reja për audiencën”.
View this post on Instagram
Më tej, ai tha se fillimisht, në natën e parë, do të hyjnë 17 banorë.
“Do të ketë spektakël, nata e parë është festë ku do të prezantohen banorët, dhe nuk do të jenë hiç më pak se vitin e kaluar që kemi qenë. Zakonisht, “Big Brother” nis me 12 ose 14 banorë, ndërsa tani jemi pesë më shumë se ky numër që them. Qysh natën e parë do të ketë përdredhje. Prisni të papriturën, prisni emocion, kaos, ashtu siç ju ofron “Big Brother”, u shpreh moderatori.
Sa u përket emrave që do të marrin pjesë në këtë edicion, ka pasur goxha hamendësime në rrjetet sociale dhe jo vetëm, por producentja e këtij spektakli, Olsa Muhameti, është shprehur se janë thjesht zëra: “Asnjë nga emrat që po përfliten nuk është i saktë. Lista e banorëve të vërtetë do të zbulohet vetëm në natën e parë të spektaklit”.
Artikuj të sugjeruar:
