Presidenti i Turqisë vjen nesër në Tiranë dhe në kuadër të masave të sigurisë për mbarëvajtjen e vizitës së kreut të shtetit turk, policia ka zbuluar rrugët ku do të bllokohet qarkullimi për drejtuesit e automjeteve.
Policia thekson se do të jenë të bllokuara disa akse në kryeqytet, ndërsa u bën thirrje drejtuesve të mjeteve që të shfrytëzojnë autostradën e re Kashar – Rinas, për të qarkulluar në drejtim të aeroportit të Rinasit, pasi aksi i vjetër Kashar – Rinas nga ora 10:00 deri në 11:30, si dhe nga ora 17:00, deri në orën 18:00, do të jetë i bllokuar.
Rrugët e tjera të bllokuara do të jenë:
Nga Rinasi – Qafa e Kasharit
Mbikalimi te Casa Italia
Nënkalimi tek ish-sheshi “Shqiponja”, Unazë (Astir)
Rrethrrotullimi i Saukut
Rruga e Elbasanit
Bulevardi “Dëshmorët e Kombit”, nga Ura tek ish-Hotel Dajti, deri te sheshi “Nënë Tereza”
Rruga “Ismail Qemali”
Rruga “Papa Gjon Pali II”
Rruga “Ibrahim Rugova”
Rruga “Ukraina e Lirë”
Bulevardi “Zhan D’Ark”
Rruga “George Bush”.
Artikuj të sugjeruar:
