Kemi një datë zyrtare për nisjen e edicionit të tretë të “Big Brother VIP Kosova”! Përmes një postimi në llogarinë zyrtare në Instagram-in e “BBVK”, u konfirmua se më 18 tetor, në orën 21:00 do të nisë reality show i shumëpritur.

Deri më tani nuk ka detaje për konkurrentët. Sa u përket prezantuesve, Olsa Muhameti, e cila është vendosur edhe në rolin e producentes ekzekutive, ka zbuluar se moderator do të jetë “i madhi Alaudin Hamiti”, por ende nuk dihet nëse do të bashkëprezantojë me Jonida Vokshin.

Gjithashtu, është konfirmuar edhe opinionisti i parë, gazetari Milaim Zeka.