Fatma Haxhialiu, e ftuar në “Natën me Aulonën”, ka ndarë momentin emocionues dhe sfidues kur zbuloi se ishte shtatzënë. Ajo rrëfeu se për momentin është shumë e qetë, por ka pasur raste kur ka përjetuar edhe thyerje emocionale.
“Këtë herë jam shumë e qetë, kam një lloj zen-i të brendshëm që shpresoj të vazhdojë kështu. Pepi (Përparimi, bashkëshorti i saj) thotë: “Ke një lloj ëmbëlsie, një lloj qetësie kështu që ta dija të kisha lënë pak më shpesh shtatzënë me gjithë këtë dashuri që të ka kapur dhe këtë qetësi, mendoj që edhe në vitet në vazhdim do të vijojë”, u shpreh ajo.
Më tej, tha:
“Kam qenë shumë e qetë nga kjo anë, por momenti që mbaj mend, që pata një ‘breakdown’, një thyerje emocionale ka qenë një moment nga këto ditët e nxehta, të tmerrshme të verës që e kam përjetuar tmerrësisht keq dhe kjo vera këtë vit nuk mbaronte, moj motër”.
Fatma shtoi se kishte simptomat e shtatzënisë dhe u ul në krevat, duke qarë:
“Jam ngritur në mëngjes, ka qenë e shtunë, duke qenë se ne kemi këto ritualet e lëvizje në fundjavë dhe unë në kokën time planifikoja gjëra, ndërkohë që trupi nuk më përgjigjej. Ngrihem, isha me marrje mendsh, me këto të përzierat e tmerrshme, pa fuqi, u ula në krevat dhe po qaja, thjesht po rrija dhe po qaja”.
“Ajo që ndodhte ishte që ti nuk njeh më veten. Truri yt punon në një mënyrë që ti bën 100 gjëra njëkohësisht, gjatë verës absolutisht je aktive me pushimet, plus në zyrë nuk isha më prezente askund, nuk bëja më asgjë. Praktikisht, akoma nuk e përqafoja dot si ide që prit tani se edhe duhet të ngadalësosh, jo të gjitha gjërat varen nga ty, jo domosdoshmërisht është diçka e keqe, por ai ka qenë i vetmi moment që jam ndjerë keq sepse nuk ndihesha vetja”, përfundoi ajo.
Fatma, përmes një videoje në Instagram, zbuloi se është shtatzënë për herë të dytë. “Kian së shpejti do të jetë zyrtarisht vëllai i madh”, shkroi gazetarja dhe moderatorja në mbishkrimin e videos. Pritjen e ëmbël ajo zgjodhi që ta tregojë si një surprizë për të birin, Kian.
View this post on Instagram
