FOTO: Getty Images | 2023 Anadolu Agency

Është koha për t’u rikthyer në tokën e Genovia-s! Përmes një postimi në Instagram, Anne Hathaway konfirmoi rikthimin e një prej filmave më të dashur të viteve 2000, “The Princess Diares 3” (“Ditarët e princeshës 3”. Pas shumë hamendësimeve, aktorja e famshme është gati të rikthejë rolin e saj ikonik si princesha Mia Thermopolis.

“Mrekullitë ndodhin! Rikthehemi në Genovia me @adeleblim @disney @somewherepictures. Dhe përralla vazhdon,” ka shkruar aktorja në postimin e saj në Instagram.

Ka qenë revista amerikane “Hollywood Reporter” që ka zbuluar për herë të parë se Disney po punon për xhirimet e “The Princess Diares 3” dhe xhirimet janë planifikuar të nisin vitin e ardhshëm. Këtë vit, regjia i është besuar Adele Kim dhe ajo nuk e ka fshehur kënaqësinë për këtë realizim.

 “Si një admiruese e palodhur e këtij filmi, jam shumë e emocionuar që do të jem pjesë e jetësimit të ngjarjeve të këtij filmi të famshëm,” thotë regjisorja.

Por nuk është vetëm “The Princess Diaries 3” projekti i radhës për aktoren amerikane, pasi ajo është duke punuar edhe për filma të tjerë. Anne Hathaway do të fillojë gjithashtu xhirimet për “The Devil Wears Prada 2” (“Djalli vishet me Prada 2”) në muajt në vijim, një tjetër film i njohur që e ngriti atë në majat e Hollywood-it, pasi luajti përkrah Meryl Streep dhe Emily Blunt.

Artikuj të sugjeruar: