Ditën e sotme, reperi Bardhi ka publikuar këngën e tij më të re, “Çikës tem,” një projekt që shfaq një anë më personale të tij, duke ndarë me publikun momente të vështira që ka përjetuar në karrierë dhe në jetën private. Përmes kësaj kënge, ai flet për sfidat financiare, humbjen e miqve dhe vështirësitë e bashkëshortes së tij, Sara Gjordeni, gjatë shtatzënisë. Në një moment të këngës, Bardhi shprehet: “Dritë më lanë pa lekë,” duke përshkruar sfidat me të cilat është përballur.
Por, ajo që i emocionoi më shumë ndjekësit ishte zbulimi i emrit të vogëlushes që Bardhi dhe Sara presin së shpejti. Çifti ka vendosur ta quajë vajzën Nea, emër që për ta mbart një kuptim të veçantë.
Sara e ndau kuptimin e emrit në një postim në Instagram, ku shpjegoi se Nea rrjedh nga greqishtja e lashtë dhe simbolizon “dikë që mbetet gjithmonë i ri, në shpirt e pamje dhe që vazhdimisht përmirëson veten.” Në fenë islame, Nea ka një tjetër kuptim të bukur, duke u përkthyer si “një dhuratë e frytshme, një person që sjell dritë dhe gëzim gjatë gjithë jetës.”
Artikuj të sugjeruar:
