Duket se trendi i ngjyrës vishnje është kaq i pashmangshëm këtë vjeshtë, sa nuk i rezistuar dot as princesha Kate Middleton. Ajo e shtoi nuancën burgundy vishnje në koleksionin e saj të veshjeve, në një prej daljeve të fundit publike pas përfundimit të kimioterapisë.
Kate u takua me fotografen 16-vjeçare Lizz Hatton, e prekur nga kanceri dhe princesha ishte aty për të ndarë emocione dhe momente që më pas u publikuan në faqen zyrtare të Pallatit Mbretëror.
Por, zgjedhjet e ngjyrave të saj nuk qenkan dhe aq rastësore, përtej asaj që dikton stili i protokollit të familjes mbretërore në daljet zyrtare dhe jo vetëm. Sipas teorisë së re që po qarkullon, veshja në ngjyrë lejla e Kate në ndeshjen e tenisit në Wimbledon, u interpretua si një shenjë guximi, teksa ajo ishte ende nën trajtim kundër diagnozës së kancerit.
Ndërsa, në këtë dalje të fundit të saj, kostumi në ngjyrë vishnje lexohet si një shenjë përmirësimi dhe tregues që ajo po e kapërcen sfidën me këtë sëmundje.
Mbetet që të presim daljen e radhës, për të kuptuar më mirë mesazhin që kërkon të japë princesha e Uellsit.
Artikuj të sugjeruar:
Burimi: Marie Claire
