Tetori erdhi me ngjarje të shumta qiellore, të cilat mund të kenë fuqinë të ndryshojnë totalisht jetën tonë. Që nga një eklips e deri te hyrja e sezonit të Akrepit, tetori është i mbushur me surpriza.
2 tetor - Hëna e re dhe eklipsi diellor në Peshore
Kjo ditë sjell funde dhe fillime të papritura në marrëdhëniet tuaja. Çiftet mund të vendosin të ndahen, ndërsa disa të tjerë do të adresojnë çështje që janë aty prej kohësh, për të krijuar një themel më të shëndetshëm për të ardhmen. Njëkohësisht, mund të shfaqen mundësi të reja bashkëpunimi apo interesa krijuese që tërheqin vëmendjen tuaj.
9 tetor - Prapavija e Jupiterit në shenjën e Binjakëve
Nga kjo ditë e tutje, Jupiteri, planeti i besimeve dhe bollëkut, nis lëvizjen në prapavijë. Ky është momenti i duhur për reflektim mbi qëllimet tuaja dhe për të rishqyrtuar drejtimet që dëshironi të ndiqni. Gjatë muajve të ardhshëm, mund të ndiheni të tërhequr për të mësuar diçka të re ose për të ndryshuar rrugëtimin tuaj.
11 tetor - Plutoni shkon direkt në Bricjap
Plutoni, planeti i rilindjes, përfundon lëvizjen e tij në prapavijë. Tani jeni më të vetëdijshëm për punën që duhet bërë në rrugëtimin tuaj drejt shërimit. Një ndryshim në dinamikat e pushtetit mund të ndodhë, ose mund të ndiheni më të fuqizuar nga sa shumë keni përparuar në procesin tuaj të brendshëm gjatë muajve të fundit.
13 tetor - Mërkuri hyn në Akrep
Komunikimi do të jetë më i thellë dhe intuita juaj më e mprehtë. Do të keni dëshirë për lidhje më të thella me të tjerët dhe një prirje për të hulumtuar e zbuluar mistere, qofshin këto të lidhura me marrëdhëniet apo pasione të reja.
17 tetor - Hëna e plotë në Dash
Kjo është një ditë për të vendosur veten në vend të parë. Mund të realizoni një qëllim që keni vendosur në fillim të vitit ose të merrni kurajon për të mbrojtur interesat tuaja, qoftë në marrëdhënie personale apo në marrëveshje të rëndësishme.
17 tetor - Afërdita hyn në Shigjetar
Energjia e dashurisë ndryshon. Afërdita hyn në një shenjë të lirë dhe aventuriere, duke bërë që të dëshironi përvoja të reja dhe marrëdhënie që ju sfidojnë intelektualisht. Gjatë kësaj periudhe, jeta juaj sentimentale do të jetë më e lehtë, por më pak e qëndrueshme.
22 tetor - Fillimi i sezonit të Akrepit
Dielli kalon në Akrep, duke sjellë një periudhë të thellë transformimi dhe energjie. Kjo është koha për të eksploruar pjesët e brendshme të vetes dhe për t'u përballur me gjërat që keni shmangur. Konfliktet e pushtetit dhe sekretet e fshehura mund të dalin në pah, kështu që mbani parasysh të lëvizni me kujdes në këtë kohë.
Artikuj të sugjeruar:
