Pas suksesit të radhës që e shpalli Selena Gomez miliarderen më të re, artistja ka vendosur të flasë për këtë kapitull të jetës së saj.
"Unë jam shumë mirënjohëse," tha Gomez në në një intervistë për “Entertainment Tonight”.
Për të, nuk është gjithmonë e këndshme të flasësh për paratë dhe pozitat financiare, por Selena nuk e fsheh mirënjohjen ndaj njerëzve që e bënë realitet ëndrrën e saj.
“Unë mendoj se është e pakëndshme të flasësh për paratë. Por, meritat u takojnë njerëzve që blenë produktet që kanë firmën time. Janë ata që e bënë realitet këtë ëndërr, ndaj jam vërtet, shumë e nderuar dhe thjesht e lumtur,” u shpreh Gomez duke ju referuar kompanisë kozmetike, Rare Beauty, e cila përbën plot 81.4% të pasurisë së këngëtares dhe aktores.
Zyrtarisht, Selena Gomez ka një pasuri prej 1.3 miliardë dollarësh, gjë që e rendit atë në listën e miliarderëve më të rinj në botë sipas Indeksit të Miliarderëve të Bloomberg. Bloomberg, në vlerësimin e pasurisë konsideroi sipërmarrjet e saj fitimprurëse si aktore, këngëtare dhe biznesmene.
Kompania njëherësh krahasoi edhe suksesin e Gomez me atë të mikeshës së saj të ngushtë Taylor Swift, e cila u bë miliardere ekskluzivisht nga shitja e disqeve dhe biletave për turneun e saj muzikor.
Artikuj të sugjeruar:
- Komentet negative për deklaratën se nuk bën dot fëmijë: Reagon Selena Gomez
- Selena Gomez zbulon trukun që përdor sa herë përballet me problemet e shëndetit mendor
- Selena zbulon se nuk mund të lindë fëmijë: “Është diçka që më ka hidhëruar prej kohësh”
- Suksesi i radhës: Selena Gomez është miliarderja më e re!
- Selena Gomez dhe Benny Blanco janë fejuar?
