Duket se Madonna është një mama krenare dhe ka një super arsye! 66-vjeçarja, përmes një postimi në Instagram, ka promovuar këngën e re të vajzës së saj Estere që është vetëm 12 vjeç.

Kënga me titull "I'll Tech House U Mix", u publikua në Soundcloud dhe le të themi që është një përzierje melodish dhe energjish, duke përfshirë edhe një stil tipik të hitit" Vogue" që artistja e ka kënduar në vitin 1990.

Postimi i Madonna-s ishte një foto e Esteres me një chocker të trashë të zi në qafë dhe një simbol kryqi të madh. Nën foto, Madonna vendosi edhe mbishkrimin "DJ Queen Estere".

Më pas, nëna e gjashtë fëmijëve pulbikoi një videoklip të shkurtër të Esteres duke thënë "Mbretëresha Estere."

Kujtojmë që këngëtarja e “Like a Prayer” ka gjashtë fëmijë. Krahas Esteres, e cila ka një motër binjake, Stella, Madonna është gjithashtu nënë e Lourdes, Rocco, David dhe Mercy.

Artistja e famshme, ndër vite e ka treguar dëshirën për të pasur shumë fëmijë, madje në një intervistë për “People” para disa kohësh, ajo tha se ka ëndërruar gjithmonë një shtëpi plot me fëmijë.

"Pse kuzhina ime nuk është plot me fëmijë që kërcejnë? Ka kaq shumë fëmijë që kanë nevojë për një shtëpi, ndaj le të ndihmojmë sa më shumë,” tha Madonna asokohe.

Artikuj të sugjeruar: