Nëse mendoni se Italia dhe Spanja janë vendet më të vizituara nga turistët, sidomos vitet e fundit, atëherë na vjen keq, por po dalim jashtë parashikimeve tuaja. Austria është vendi më i mbushur me turistë në Europë sipas një studimi të fundit të realizuar nga Money Transfers.
Bazuar në të dhënat, u zbulua se për çdo banor austriak ka rreth 3.6 turistë, më shumë se kudo tjetër në Evropë. Dhe sigurisht, siç pritej, shumica e turistëve e vizitojnë atë për kryeqytetin e bukur, Vjenën. Pavarësisht se ka një popullsi prej 8.9 milionë banorësh, vendi mirëpret rreth 32 milionë vizitorë çdo vit.
Vjena, kryeqyteti i Austrisë, është tërheqja kryesore turistike e vendit. I njohur si “qyteti i ëndrrave”, nuk është çudi që kaq shumë njerëz janë të etur për ta eksploruar. Atraksionet kryesore përfshijnë Pallatin Schonbrunn, Shtëpinë e Operës së Vjenës dhe Muzeun e Historisë Natyrore. Qyteti është gjithashtu i famshëm për tortat dhe ëmbëlsirat e shijshme.
Përtej zgjedhjes parësore siç mund të jetë Vjena për turistët, kjo nuk do të thotë se vendet e tjera në Austri nuk po përballen me një shtrim të numrit të turistëve që vijnë në vend. Në vitin 2023, banorët e qytetit të vogël austriak të Hallstatt protestuan kundër numrit astronomik të vizitorëve në qytetin e tyre gjatë sezonit veror duke bllokuar fizikisht turistët dhe duke i nxjerrë jashtë ambienteve si bare apo restorante. Sipas BBC, rreth 10 mijë turistë e vizitonin çdo ditë këtë zonë, ndërsa në të banojnë vetëm 700 persona.
Drejtori i turizmit të Austrisë, Norbert Kettner u shpreh i angazhuar në idenë për të zgjeruar “hartën” e zgjedhjeve nga ana e turistëve për të mos vizituar vetëm Vjenën, por edhe plot pika të tjera që janë atraksione për Austrinë.
Artikuj të sugjeruar:
Burimi: Traveller
