Çështja e “Diddy-t” e ka çuar internetin në një spirale të pafundme teorish konspirative, në detaje shokuese dhe sigurisht, lidhje të reperit “Diddy” me figura të tjera shumë të njohura. Rishtazi, nëpër rrjetet sociale, Beyoncé po merr një urrejtje të paparë, pasi akuzohet nga njerëzit se “heq qafe personat që janë më të famshëm dhe talentuar se ajo”.
 
Shembujt për këtë? Aaliyah, Left Eye, Michael Jackson etj. Ndërsa për “Diddy-n” ekziston akuza se ka vrarë Tupac.
 
Njerëzit kanë nisur të gjejnë “kuptim” në shumë gjëra, duke përfshirë edhe në albumin e Bey, “4” dhe në atë të Jay Z, “4:44”. Interneti e ka lidhur këtë me ditëlindjet e Sean “Diddy” Combs (4 nëntor); me atë të Beyoncé (4 shtator) dhe të Jay Z (4 dhjetor). Aaliyah, Lef Eye dhe Michael Jackson kanë ndërruar jetë në datën 25.

Deri më tani, teoritë e konspiracionit kanë shkuar deri aty sa pretendohet se edhe personat e famshëm e dinë shumë mirë lidhjen e Beyoncé me “Diddy-n”. Disa pretendojnë se kur Kanye West u ngjit në skenë për t’i thënë Taylor Swift se çmimin e meritonte Beyoncé, e bëri të gjithën për ta mbrojtur atë.

Në vitin 2009, Tay mori çmimin “Videoja më e mirë nga një artiste grua”, por Kanye u ngjit në skenë dhe tha se në fakt, “Beyoncé kishte një ndër videot më të mira të të gjitha kohërave”, referuar asaj të “Single Ladies”.

 
Më tej, edhe kur Adele e ndau trofeun e saj Grammy në dy pjesë, kur fitoi “Albumin e Vitit”. Sipas saj, në skenë duhet të ngjitej Beyoncé dhe se ishte momenti i saj.

 
Njerëzit pretendojnë se Kanye dhe Adele e kanë bërë këtë vetëm për t’i dhënë famën që do Beyoncé-s dhe për të zvogëluar famën e artisteve të tjera.
 
Kudo në rrjet kanë gëluar këto teori, të cilat kanë ‘rastësi’ të çuditshme. Menjëherë njerëzit kanë “ndërruar pllakën” për mendimin e tyre për Kanye-n, duke thënë se ai është përpjekur të na paralajmërojë, sidomos te kënga “Famous”, ku në një krevat gjigant të bardhë janë ‘klonët’ e VIP-ave të ndryshëm. Sipas njerëzve, kjo është referencë për festat e çmendura të “Diddy-t”.

Gjithashtu, njerëzit po gjejnë kuptim edhe në këngën e J.Cole, "She Knows", duke u shprehur: "She - Sean "Diddy" Combs; Knows - Mbiemri i Beyoncé-s, Knowles". Ata shprehen se J.Cole ka thënë "sapo të vdes", sepse e ka ditur se P.Diddy do e përndiqte për nxjerrjen e sekretit.

Nga ana tjetër, thuhet se Bey dhe Jay do të fundosen së bashku me “Diddy-n” dhe se industria e muzikës dhe ndikimi i jashtëzakonshëm që ata kanë po ekspozohet.

Artikuj të sugjeruar: