Një e qarë në dush mund të jetë diçka terapeutike, ose diçka që ndryshe quhet “dush emocional”. Shumë hotele apo resorte në botë po e ofrojnë këtë shërbim duke kombinuar termoterapinë, hidroterapinë, kromoterapinë dhe aromaterapinë, për të emocionuar më shumë klientët.
Trajtimet përdorin presione uji, temperatura, ngjyra dhe aroma për të shkaktuar një gjendje emocionale pozitive qoftë qetësi apo gëzim.
"U ndjeva menjëherë e qetë dhe energjike," tha Maria Yogoda për revistën “Condé Traveler” duke përshkruar përvojën e saj në një dush emocional në Liqenin e Komos, Itali.
Termoterapia dhe hidroterapia mund të ofrojnë lehtësim të lokalizuar në pjesë të ndryshme të trupit duke përdorur ujin për të stimuluar metabolizmin, sistemin nervor dhe rrjedhjen e gjakut.
"Kur jemi në dush, është një mundësi për t'u larguar nga shpërqendrimet e jetës së përditshme," thotë neuropsikologia Georgina Sturmer. "Në një botë ku jemi të ngarkuar gjatë 24 orëve në shtatë ditë të javës, një dush mund të jetë një nga vendet e pakta ku jemi vetëm me veten."
"Kjo ndjenjë e privatësisë dhe lidhjes mund të na ndihmojë të ndihemi rehat për t'u lidhur me emocionet tona," shtoi ajo.
Pra, nëse jeni duke bërë një dush në një hotel apo edhe në shtëpi, duhet ta dini se kjo është një mënyrë e sigurt për t’u çlodhur dhe për t’u rilidhur me veten.
Artikuj të sugjeruar:
- Komentet negative për deklaratën se nuk bën dot fëmijë: Reagon Selena Gomez
- 6 arsye pse duhet të shtoni kanellë në mëngjesin tuaj
- Disa arsye pse mund të ndiheni të lodhur pas një gjumi të mirë
- Lidhja e humorit me shëndetin mendor: 5 mënyra si mund të na shërojë një e qeshur e mirë
- Vaji i avokados apo vaji i ullirit? Cili është më i shëndetshëm për t’u përdorur
