Kur flisni me fëmijët, është shumë e lehtë të përdorni fraza të zakonshme si "praktika të bën të përsosur" ose "po shkon shumë mirë". Por, jo të gjitha këto shprehje janë ndihmuese. Edhe pse është e pamundur të mos ia thoni kurrë këto gjëra fëmijës suaj, mund të jetë e dobishme të kuptoni pse këto shprehje nuk janë gjithnjë produktive.
Ja 9 shprehje të zakonshme që mund të bëjnë më shumë dëm sesa mirë, arsyet pse duhet t’i shmangni dhe çfarë mund të thoni në vend të tyre për të rritur një fëmijë të lumtur.
1. "Punë e shkëlqyer!”
Duke i dhënë një kompliment të përgjithshëm si ky çdo herë që fëmija juaj zotëron një aftësi, i bën ata të varen nga afirmimi juaj. Kjo njihet si hipoteza e “vetëkënaqjes”, e cila sugjeron se lavdërimi i tepruar vendos standarde të paarsyeshme dhe ul vetëbesimin e fëmijës. Në vend të lavdërimeve të përgjithshme, bëni ato specifike, si: "Ishte një përpjekje e mirë”; “Më pëlqeu se si e ndihmove shokun tënd me detyrat” etj.
2. "Praktika të bën të përsosur."
Ndërsa është e vërtetë se sa më shumë kohë të kushtojë fëmija në një talent të caktuar, aq më shumë do të zhvillohen aftësitë, kjo thënie mund të rrisë presionin për të fituar ose shkëlqyer kurdoherë. Në vend të kësaj, inkurajoni fëmijën të punojë fort dhe të ndjejë krenari për zhvillimin e tij. Përdorni thënie të tilla si: "Praktiko pianon që të mbarosh këngën që e ke aq shumë qejf."
3. "Je mirë."
Kur fëmija lëndohet dhe shpërthen në lot, instinkti juaj mund të jetë ta siguroni se nuk është lënduar keq. Por, t’i thoni se është mirë mund ta bëjë atë të ndihet më keq. Në atë moment, ndihmojeni duke i treguar se si të kuptojë dhe përballet me emocionet e veta. Dhurojini një përqafim dhe thoni: "Ishte një rënie e dhimbshme, por kaloi."
4. "Ngrihu shpejt!"
Nëse fëmija vonohet në mëngjes, duke këmbëngulur të veshë vetë çorapët e tij, shtyrja për t’u shkuar më shpejt krijon edhe më shumë stres. Përdorni një ton më të butë tuaj dhe thoni: "Sa ditë e bukur qenka sot, le ta shijojmë sa më shumë!”; “Koha për t’u ngritur nga krevati," duke dërguar mesazhin se të dy jeni gati për një ditë produktive.
5. "Jam në dietë."
Nëse fëmija juaj ju sheh duke u peshuar çdo ditë dhe dëgjon biseda në lidhje me imazhin e trupit, ata mund të zhvillojnë një imazh të gabuar. Arsyetoni ushqimin si një element thelbësor për energji para fëmijëve. Shmangni diskutimet apo pasiguritë e lidhura me imazhin e trupit tuaj para fëmijës dhe mos etiketoni ushqimet si "të mira" ose "të këqija."
6. "Mos fol me të panjohurit."
Ky është një koncept i vështirë për një fëmijë të vogël. Flisni për skenarë më të qartë për t’u ilustruar rreziqet e mundshme si: "Çfarë do të bëje nëse një i panjohur të ofron karamele dhe një shëtitje?" Kjo ndihmon fëmijën të kuptojë se si të reagojë në situata të tilla dhe nxjerr në pah rreziqet e situatave të ndryshme.
7. "Kujdes!"
Të thoni këtë ndërsa fëmija juaj është duke luajtur plot gëzim në parkun e lojërave e bën atë më të shqetësuar dhe nuk e lejon të shijojë momentin. Nëse ndiheni të shqetësuar, afrohuni për t’uu dhënë mbështetje, me një ton sa më të qetë.
8. "Nuk ka ëmbëlsirë nëse nuk e mbaron darkën."
Shmangni thënien e kësaj gjatë darkës, pasi rrit dëshirën për të marrë shpërblimin dhe ul kënaqësinë për ushqimin. Ndryshoni mesazhin në: "Së pari, ha vaktin e preferuar dhe pastaj do të përgatisim së bashku ëmbëlsirën që pëlqejmë të dy." Kjo ka një ndikim pozitiv te fëmija.
9. "Më lër të të ndihmoj."
Kur fëmija ka vështirësi në ndërtimin e një puzzle është e natyrshme të dëshironi t’i jepni një dorë. Në vend të kësaj bëjini fëmijës pyetje udhëzuese për t’i ndihmuar të zgjidhin problemin vetë, si :"A mendon se pjesa e madhe apo e vogël duhet të shkojë në fund?" Kjo i ndihmon fëmijët të forcojnë pavarësinë dhe besimin e tyre.
Artikuj të sugjeruar:
