Parakalimi i tij nëpër pasarelat më prestigjoze të modës në botë, duket se ka ndikuar më shumë se pozitivisht në karrierën e sipërmarrësit dhe aktivistit shqipar Elton Ilirjni, i cili çdo ditë e më shumë tashmë po njihet edhe si supermodeli kontravers i stilistëve të famshëm. Portofolit të suksesve në karrierën e tij të modelingut sapo i janë shtuar dy çmime tejet prestigjoze, duke bërë që emri Elton Ilirjani të radhitet me krenari krah më të mëdhenjve të modës në botë. Dokumentari ‘Je suis mona’, që shfaq jetën e aktivistit shqiptar ka mundur të notojë mbi konkurrentët e tjerë duke u shpallur fitues në dy metropole të njohur.
Në edicionin e dytë të Festivalit Ndërkombëtar të Filmit për Modën në New York, i mbajtur në Shtator 2024 në Muzeun e Arteve dhe Dizajnit në Manhattan, u bashkuan krijuesit e filmave të modës për të shfaqur një koleksion të vecantë filmash. Në këtë festival, u nda cmimi "Trailblazer 2024" për filmin që solli një koncept të ri, i cili shkoi për dokumentarin "Je Suis Mona", me Elton Ilirjanin si protagonist, i realizuar nga Malan Breton.
Përvec suksesit në New York, dokumentari gjithashtu fitoi cmimin "LGBTQ Talent" në Festivalin e Filmit të Modës në Londër, duke njohur ndikimin dhe kontributin e Eltonit në komunitetin LGBTQ+.
Elton Ilirjani, supermodel ndërkombëtar, aktivist dhe filantropist, ishte subjekti i dokumentarit të ri "Je Suis Mona", që eksploron udhëtimin e tij në botën e modës dhe mënyrën se si ai shpreh veten. Filmi, i drejtuar nga Malan Breton dhe Yongxin Li, u nominua gjithashtu për dy cmime të tjera në festival: "Dokumentari më i Mirë i Modës" dhe "Mesazhi më i Mirë".
Ky bashkëpunim i suksesshëm mes Elton Ilirjanit dhe stilistit Malan Breton është vetëm fillimi i një sërë punësh ambicioze që dyshja pritet të sjellë në të ardhmen. Malan Breton është një nga markat më të larmishme në modë, duke përfshirë kategori të ndryshme si parfume, aksesorë, dhe prodhime televiziv. Ai është gjithashtu pionier në përdorimin e teknologjisë në modë, duke sjellë inovacione si dyqani i modës me kriptovaluta dhe përdorimin e VR në industri.
Malan Breton është një stilist, këngëtar, aktor, kostumograf, regjisor, producent televiziv, shkrimtar, muzikant, kompozitor, producent dhe kolumnist i vlerësuar me çmime. Koleksionet e tij janë veshur nga Priyanka Chopra, Fan Bing Bing, Janelle Monae, Saweetie, Kylie Minogue, Billy Porter, Lorde, Little Mix, Vivica A Fox, Paula Abdul, Sean Young, Bebe Rexha, George Takei, Minnie Driver, Fantasia, Lea Salonga, Hannah Waddingham, Roisin Murphy, Consuelo Vanderbilt, Jean Shafiroff dhe shumë të tjerë.
Dizenjot e tij janë paraqitur në mbi 200 kopertina të revistave ndërkombëtare duke zbukuruar kopertinat e Vogue, Elle, Harpers Bazaar, Glamour, GQ, L'Officiel, The Times, Desnudo, The Sunday Express, OK! Dhe të tjerët. Koleksioni Malan Breton është ftuar të prezantojë koleksione te Familja Mbretërore Britanike, Qeveria e Republikës së Kinës (Tajvan) Austri, Tajlandë dhe Shenzhen. Dhe është paraqitur në filma, koncerte dhe qilima të kuq si Tonys, Academy Awards, The SAG Awards, Cannes, BAFTA's dhe Oliviers.
Elton Ilirjani dhe Malan Breton po vijnë si një ekip dinamik që sjell një frymë të re në botën e modës dhe artit. Kjo është një arritje e rëndësishme për ta dhe një hap përpara në njohjen e diversitetit dhe kreativitetit në industri.
