Më pak se një muaj nga lindja e bebeshit Jack Blues Bieber, këngëtari i hitit “Sorry” dhe influencuesja e njohur janë treguar shumë të përmbajtur në reagimet e tyre apo daljet në publik si prindër për herë të parë. Por, kjo nuk do të thotë që gjyshërit të veprojnë njësoj!
Të paktën, Pattie Mallette, mamaja e Justin, nuk e fsheh gëzimin e të bërit gjyshe për herë të parë duke e ndarë këtë ndjesi virtualisht me të gjithë.
49-vjeçarja ka postuar një moment nga emisioni “Saturday Night Live” të Molly Shannon-it përpara 11 viteve, ku aktorja Helen Madden u pyet për ndjesinë e të qenit gjyshe.
"E dua, e dua, e dua! E dua në çdo sekondë të jetës sime,” dëgjohet në momentin e videos që mamaja e Justin ka postuar në Instastory, duke shtuar se “hera e parë si gjyshe është fiks kjo ndjesi!"
Por, kjo nuk është hera e parë që ajo reagon për ndryshimin e statusit si gjyshe e fëmijës së parë të Justin dhe Hailey-t. Pasi, prindërit e famshëm ndanë me të gjithë lajmin e ardhjes në jetë të bebushit Jack Blues Bieber, ajo shkroi pak orë pas lindjes:
"Oh zemra ime. Mirë se vjen vogëlushi Jack! Të dua shumë! Faleminderit Zot. Çfarë mrekullie!"
Edhe babai i Hailey-t, Stephen Baldwin, ka reaguar në këtë postim duke treguar gëzimin e të qenit gjysh.
"Urime për ju të dy dhe falënderimi i takon Zotit që vazhdon të bekojë familjet tona."
Artikuj të sugjeruar:
- Pas gjithë dramës, Justin Bieber po kërkon të bëjë paqe me Selena Gomez?
- Hailey Bieber shfaqet për herë të parë në publik pasi u bë nënë
- Hailey dhe Justin na tregojnë trukun për më shumë gjumë për veten dhe bebin
- Hailey Bieber hyri në epokën e mëmësisë ashtu siç i ka hije *.*
- Hailey Bieber rikthehet në Instagram me postimin e parë pas lindjes së bebushit
Burimi: E News
