FOTO: Stocksy/jamie grill atlas

Disa njerëz nuk sëmuren shpesh dhe sigurisht që duhet të jenë falënderues për imunitetin e fortë, stilin e shëndetshëm të jetesës, gjenet e plot motive të tjera. Por, disa të tjerë sëmuren më shpesh, nga simptomat e gripit te ftohja dhe shpesh pyesin veten se pse ndodh kjo!

Një i rritur sëmuret mesatarisht rreth dy deri në tre herë në vit, sipas Qendrës për Kontrollin dhe Parandalimin e Sëmundjeve (CDC). Por, disa sëmuren më shpesh dhe ka disa motive pse ndodh kjo, sipas mjekut infeksionist Nikhil Bhayani. Këto arsye janë:

#1 Nuk flini mjaftueshëm

Sipas mjekut, më pak orë gjumë do të thotë më pak mundësi që trupi të luftojë mikrobet tuaja. Njerëzit që flenë vetëm gjashtë orë gjatë natës kanë katër herë më shumë shase për t'u ftohur kur ekspozohen ndaj një virusi në krahasim me ata që flenë për shtatë ose më shumë orë gjumë.

#2 Jeni të stresuar

Njësoj si mungesa e orëve të duhura të gjumit, nivelet e larta të stresit kronik ndikojnë në sistemin tuaj imunitar. Si pasojë e kësaj, çdo mikrob ndaj të cilit jeni i/e ekspozuar do ta ketë më të lehtë të kalojë fshehurazi sistemin mbrojtës të trupit tuaj dhe të shkaktojë një infeksion, sipas klinikës "Cleveland".

#3 Vuani nga ndonjë sëmundje

Të kesh një problem shëndetësor është një motiv më shumë që të keni një sistem të dobët imunitar. Sipas klinikës "Cleveland", shkaktarët mund të jenë: Artriti reumatoid, koliti, tiroidet, skleroza e shumëfishtë, diabeti i tipit 1 etj.

#4 Mjedisi ku jetoni dhe punoni

Nëse keni kaluar kohë në vende ku ka më shumë mikrobe, keni më tepër mundësi që të prekeni nga infeksionet apo të sëmureni më shpesh. Mund të jenë dorezat e dyerve, karrocat e blerjeve në supermarkete, shkallët elektrike, ashensori e plot hapësira të tjera që janë të mbushura me mikrobe.

#5 Shkak mund të jenë edhe fëmijët

Fakti që jeni prindër është diçka fantastike, por fëmijët janë shpesh burim infeksioni. Prindërit që kanë vetëm një fëmijë në shtëpi kanë 28% më shumë shanse të preken nga një infeksion viral gjatë vitit, sidomos nëse kanë fëmijë që frekuentojnë çerdhe, kopshte apo shkolla.

#6 Nuk ushqeheni si duhet

Vitaminat C, D dhe E së bashku me mineralet si zinku dhe seleni luajnë rol kyç në mbështetjen e funksionit imunitar. Nëse nuk keni një regjim ushqimor të pasur me këto vlera, dijeni se keni më shumë mundësi që të prekeni nga sëmundjet. Pra, më shumë fruta, perime, fruta të thata dhe ushqime të shëndetshme për një sistem të fortë imunitar.

Çfarë të bëni për të forcuar sistemin imunitar?

Nëse dyshoni se ndonjë nga faktorët e mësipërm nuk ka efekt, atëherë ka një lajm të mirë: ka shumë gjëra që tjera që mund të bëni për ta forcuar sistemin imunitar dhe për të zvogëluar ekspozimin ndaj mikrobeve dhe viruseve.

-Lani duart shpesh - Thjesht larja e rregullt mund të ulë rrezikun për infeksione me 20% dhe rrezikun për insekte në stomak me 30%, sipas Qendrës për Kontrollin dhe Parandalimin e Sëmundjeve (CDC)

-Mbani një dietë të shëndetshme - Një dietë e stilit mesdhetar e pasur me drithëra, fruta, perime, fasule, arra dhe fara dhe yndyra të shëndetshme është e duhura për ju.

-Lëvizni çdo ditë - Ushtrimet rrisin qarkullimin e qelizave të bardha të gjakut që luftojnë infeksionet dhe ndihmon në largimin e mikrobeve nga mushkëritë dhe rrugët e frymëmarrjes.

-Flini gjumë mjaftueshëm - Synoni për të paktën shtatë orë gjumë në natë.

-Gjeni kohë për t'u qetësuar - Ulja e stresit është një tjetër hap për të ndihmuar sistemin imunitar të funksionojë në mënyrën më të mirë të tij.

-Vaksinohuni - Vaksina kundër gripit mund të ulë rrezikun për t'u sëmurur deri në 60%, sipas klinikës "Mayo".

Artikuj të sugjeruar:

Burimi: Well+ Good