Bazuar në artikullin publikuar së fundmi nga Anabel, ku të rinjtë i janë përgjigjur një ankete lidhur me universitetet dhe degët që kanë zgjedhur këtë vit, Tirana Business University rezulton si një prej universiteteve më të preferuara për sa i takon degëve të Administrimit të Biznesit dhe Teknologjisë së Informacionit.
Por, çfarë e bën TBU kaq të veçantë dhe të kërkuar për studentët?
Duket se një nga pikat më të forta të këtij Universiteti është ndërlidhja ndërmjet botës akademike me tregun e punës.
Thuajse të gjithë studentët e Universitetit janë të punësuar, ose punësohen gjatë kohës së studimeve të tyre, në kompanitë e Grupit BALFIN dhe në mbi 150 bizneset e tjera me të cilat ky institucion arsimor ka marrëveshje. Për t’iu përshtatur nevojave të studentëve, TBU është fleksibël me oraret dhe disa nga klasat zhvillohen pasdite.
E themeluar 14 vjet më parë dhe me 11 breza të diplomuar, TBU u mor nën administrimin e Grupit BALFIN dhe drejtohet nga ky i fundit prej rreth 2 vitesh, ku vetë presidenti i Grupit, z. Samir Mane, ka qenë mjaft aktiv në promovimin e universitetit pranë të rinjve, me synimin për ta kthyer këtë universitet në më të mirin në Shqipëri në fushën e Menaxhimit të Biznesit dhe të Teknologjisë së Informacionit.
Marrja e administrimit të TBU nga Grupi BALFIN, një prej konglomerateve më të mëdha dhe të fuqishme në rajon, ka sjellë një vizion të ri dhe inovativ për të ardhmen e universitetit.
TBU ofron programe në fushën e Administrimit të Biznesit, me profile si Menaxhim, Marketing, Financë-Kontabilitet, si dhe në fushën e Teknologjisë së Informacionit, në profilet Informatikë Ekonomike, Inxhinieri Software, Inxhinieri Kompjuterike.
Përgjatë çdo viti akademik, krahas leksioneve të zakonshme dhe punës në laboratorë, jeta aktive studendore është e ndërtuar në mënyrë të atillë, që secili student të shfaqi interesat dhe pasionet e tij dhe të grupohet në klube përkatëse studentore, të cilat zhvillojnë mjaft aktivitete dëfryese dhe sociale.
Gjithashtu, duke qenë se ka një derë lidhëse direkte me botën e biznesit, përgjatë gjithë vitit, studentët marrin pjesë në takime me drejtuesit e bizneseve më të mëdha në vend, duke u njohur kështu me trandet e kohës në biznes, problematikat dhe sfidat e sektorit si dhe me zgjidhjet më kreative dhe inovatore.
Për më shumë mundësi për t’u njohur me benefitet e TBU, bursat dhe tarifat e rezervimit, mund të klikoni këtu.
