Aktori i njohur thotë me bindje se filmi “The Cut” testoi çdo kufi të vetes dhe jetës së tij, madje duke e vënë në rrezik këtë të fundit. Filmi u shfaq si premierë në Festivalin Ndërkombëtar të Filmit në Toronto, ndërsa Orlando Bloom u shpreh se roli protagonist në këtë film, e bëri që të mendonte se “do të vdiste” për shkak të rënies drastike në peshë.
Sipas filmit, në qendër të tij tregohet historia e një boksieri në pension të fiksuar pas rikthimit në ring, edhe nëse kjo do i kushtonte atij jetën.
“Isha shumë i uritur gjatë gjithë kohës,” thotë Bloom për “People”.
“Tri javët e fundit në Londër, para se të fillonim xhirimet, ishin vetëm ton dhe kastravec,” vazhdoi ai.
Nutricionisti i këtij filmi, e kishte vendosur yllin e “Pirates of the Caribbean” në një regjim të rreptë, pikërisht për të rrëzuar kilogramët në mënyrë që të fitohej pesha e duhur për rolin protagonist. Nga ana tjetër, partnerja e aktorit, këngëtarja Katy Perry, duket se është tronditur jo pak nga transformimi i tij për këtë rol. Madje, kur e pa për herë të parë ajo "thjesht ishte e tmerruar," thotë ai.
“Ajo më pa dhe tha: “Më duhet një pije e fortë,” tha aktori për reagimin e partneres së tij, duke vënë në dukje se ajo qau pasi pa premierën e filmit.
“Ajo ishte vërtet e prekur, por Katy e dinte mirë se çfarë duhej për atë film.”
Perry e mbështeti Bloom gjatë xhirimeve duke u kujdesur për gjithë ekuilibrat familjarë.
“Ajo ishte aty gjatë gjithë kohës, me fëmijët dhe gjithë angazhimet e tjera,” tha Bloom për këngëtaren e “Fireworks”.
Aktori dhe këngëtarja janë të dy prindër të vajzës 4-vjeçare, Daisy Dove. Bloom është gjithashtu baba i një djali, të cilin e ka me ish-bashkëshorten, Miranda Kerr.
Artikuj të sugjeruar:
Burimi: Page Six
