Do të jesh shumë i/e fokusuar te paratë gjatë muajit shtator. Grafiku yt sugjeron se ke qenë duke menduar shumë për shtëpinë tënde, pronat e tjera dhe familjen. Ndoshta ke qenë duke blerë prona, duke bërë rinovime, blerë mobilje të reja, ose ndihmuar një anëtar të familjes financiarisht dhe ndoshta nuk ke pasur kohë të ndjekësh të gjitha kontrollet që duhet të bëje.
 
Gjërat, si përfundim, do të qetësohen dhe ti do të kërkosh mënyra të reja për të mbajtur një pjesë të madhe të parave që fiton dhe ndoshta, do të gjesh edhe mënyra të reja për të shumëfishuar të ardhurat e tua në investime më të mençura. Nëse nuk ke një këshilltar financiar, ndoshta duhet të konsiderosh një të tillë.
 
Hëna e re e 2 shtatorit në Virgjëreshë do të nisë procesion e shqyrtimit financiar, sepse kjo Hënë e re do të shfaqet në shtëpinë tënde të tetë, atë të parave të të tjerëve. Ditët që pasojnë do të jenë ideale për të shqyrtuar mbi investimet. Saturni do të jetë në kundërshtim direkt me Diellin dhe Hënën e re, kështu që do të të duhet të jesh më realist/e me ndryshimet dhe rregullimet që do të bësh.
 
Shpesh, Saturni kërkon që të refuzosh disa kënaqësi momentale dhe shpenzime të vogla për gjëra argëtuese në favor të arritjes së një qëllimi më afatgjatë. Përpos kësaj, mund të të duhet të krijosh një plan të rregullt kursimi/investimi, për të fuqizuar të ardhmen tënde. Saturni është sundimtari i lashtë i Ujorit, kështu që tendenca jote është që t’i marrësh leksionet e këtij planeti shumë lehtë.
 
Nëse ende ke borxhe që nuk mund t’i paguash totalish për shkak të rrethanave të ndryshme, mund të bësh një diskutim për të arritur në një dakordësi për një plan më të menaxhueshëm pagese.
 
Më 17 shtator do të ndodhë një eklips në Hënën e plotë te Peshqit, në shtëpinë e të ardhurave dhe kursimeve. Neptuni do të jetë në orbitë afër Hënës së plotë, kështu që do të kërkosh detaje të hollësishme mbi një kontratë apo shpenzim. Nëse je në procesin e ndarjes dhe dokumentacioni mund të jetë i paqartë, mund të të duhet të kalosh nëpër zyra gjykate dhe të ofrosh më shumë detaje për të siguruar qartësinë e duhur.
 
Eklipset sjellin një reflektim të fortë mbi çështje të ndryshme, kështu që mund të kesh një moment "eureka" kur të marrësh vesh të gjithë historinë. Pas llogaritjes së financave të tua gjatë gjithë shtatorit, do të mund të rinisësh sërish në tetor.
 
Hëna e re e 2 tetorit tregon se mund të ndërmarrësh një udhëtim jashtë vendit, por edhe rritje në karrierën tënde.

Ky është një nga ata muaj në të cilin është e rëndësishme të jesh realist/e. Saturni te Peshqit do të jetë shumë aktiv dhe do të lërë gjurmët e tij në çdo aspekt të muajit. Do të ndiesh presion, por kupto që shtatori është një muaj pak i veçantë dhe deri në tetor, do të kesh kaluar në anën tjetër të tunelit.
 
Muaji fillon me një Hënë të re në Virgjëreshë, më 2 shtator, duke të të treguar që mund të formosh një partneritet të rëndësishëm në dashuri ose biznes dhe nëse kjo ndodh, do të vuloset me një kontratë. Saturni do të jetë direkt në kundërshtim me Diellin dhe Hënën e re dhe kjo tregon qartë se duhet të jesh në dijeni për seriozitetin që kanë vendimet që do të marrësh gjatë kësaj periudhe. Dielli është sundimtari natyror i shtëpisë së gjashtë të Peshqve, e cila lidhet me punën, ndaj s’është fare çudi që gjatë këtij muaji do të kesh një dëshirë të pashoqe për të shkëlqyer.
 
Hëna në grafikun tënd sundon krijimtarinë dhe artin, e cila për Peshqit është pikë e fortë, por sërish, do të ketë një presion të pazakontë për të bërë diçka të përkryer. Krijimtaria është kaq e integruar në personalitetin tënd sa mundësisht nuk do të të shqetësojë presioni—do të të shtyjë të arrish më lart. Në mënyrë të çuditshme, në këtë rast, presioni duket se nxjerr më të mirën tënde.
 
Një eklips vjen në mes të muajit! Më 17 shtator, eklipsi i Hënës së plotë do të ndodhë në shenjën tënde dhe kjo do të të detyrojë të marrësh një vendim për një marrëdhënie të ngushtë që ka qenë e rëndësishme për ty. Neptuni, sundimtari yt, do të jetë në lidhje me Hënën e plotë dhe ky s’është momenti më i mirë për të bërë një zgjedhje shumë serioze. Vizioni yt për rrethanat mund të jetë optimist, por këshillohet të mos biesh pre e mendimeve ëndërrimtare, siç e ke zakon.
 
Pavarësisht këtij peizazhi të mjegullt të krijuar nga Neptuni në lidhje me eklipsin, një trekëndësh i artë do të shfaqet, duke lidhur Uranin, planetin e të gjitha gjërave të papritura në Dem, me Plutonin në Bricjap. Të dy planetet do të ndërveprojnë me Diellin në Virgjëreshë. Plutoni do të sjellë ngrohtësi, mbështetje dhe të mira nga miqtë, Urani do të të japë një goditje të fortë, kur të kesh nevojë të ulesh në këmbë në tokë dhe Dielli, do të të bëjë që të merresh me gjithë opsionet që ke, me detaje.
 
Duket se je në proces të ndryshimit të stilit të jetës në një periudhë ku gjithçka lidhet me shpenzimin. Eklipsi i dytë, ai i 2 tetorit, do të të ndihmojë të gjesh të ardhurat që të nevojiten dhe mund të bësh një kompromis me buxhetin që ke.
 
Pasi Marsi të largohet nga Demi më 4 shtator dhe të hyjë në shenjën e Gaforres, do të shohësh se jeta jote sociale do të ecë me ritme më të shpejta. Do të kesh më shumë kohë për miqtë dhe ç’është më e rëndësishmja, do të jesh i/e hapur për një romancë të re.

Copyright Anabel.al / Ndalohet ribotimi pa lejen e redaksisë.