Jemi zyrtarisht në sezonin e Virgjëreshës. Të sunduar nga Mërkuri, njerëzit e lindur në shenjën e Virgjëreshës janë lehtësisht të dallueshëm në publik. Tipari që i karakterizon është padyshim qetësia dhe nuk shquhen si ata që flasin shumë. Virgjëreshat, në pamje të parë gjithmonë, duken si njerëz të ftohtë, gjë që i ndihmon të ecin përpara pasi i fshehin mjaft mirë emocionet. (Përveç rastit të Romeos, që tregon se përjashtimi konfirmon rregullin, hehe).
Virgjëreshat dallohen për mënyrën elegante të të qëndruarit, veshjet e përzgjedhura me merak. Nuk është çudi që Mimi Kodhelit apo Rudina Magjistarit “nuk u lëviz qimja”.
Ndonëse duken si të ftohtë, në fakt Virgjëreshat kanë një lloj ndjeshmërie të madhe në lidhje me çështjet sociale. Kujtoni me sa devotshmëri Emina Cunmulaj kujdeset për familjet në nevojë në veri të Shqipërisë. Albërie Hadërgjonaj u kushton këngë lypësave, ashtu si Eranda Libohova të rinjve të varur nga droga.
Dhe nëse po flasim për bamirësi dhe kujdes për të tjerët, shembullin më të fortë kemi Nënë Terezën.
Gjithashtu, janë shenjë që e duan artin dhe zakonisht, kanë prirje artistike. Ja: Flor Mumajesi dhe MC Kresha!
Njerëzit e shenjës së Virgjereshës kanë një sy të stërvitur mirë me detajet. Janë aq perfeksionistë sa do t’jua shesin punën/produktin e tyre në mënyrën më të mirë të mundshme. Ndonëse mund të mos jeni fansa të zjarrtë të Luanës, këngët e saj vinë si paketë e plotë – muzikë, tekst, videoklip dhe koncerte më pas. Videoklipet e Ronela Hajatit janë si filma, pasi këngëtarja kujdeset për detajet e shumta. Të mos flasim për videoklipet e Loredanës që janë gjithnjë ndryshe dhe të kuruara në maksimum.
Ah, kanë edhe super klas dhe sens humori.
Artikuj të sugjeruar:
