Yolanda Hadid do të martohet sërish! Ish-modelja, sot 60 vjeç dhe i dashuri i saj prej disa vitesh, Joseph Jingoli, janë fejuar, konfirmon Hadid për “People”. Mamaja e supermodeleve tha gjithashtu se ajo ka marrë propozimin për martesë nga Jingoli gati dy vjet më parë kur ata ishin në Holandë.
Yolanda dhe Joseph u takuan për herë të parë në Pensilvani në vitin 2017, pak pasi Hadid u transferua atje dhe bleu një fermë. Në një intervistë të vitit 2018 me “People”, Hadid përmendi faktin se kishte nisur një njohje të re pas divorcit nga David Foster dhe vendimit për t’u fokusuar plotësisht te vetja.
"Unë realisht fillova të përqendrohesha totalisht te vetja," tha Hadid në atë kohë. “Bëra një portret dashurie të njeriut që mund ta fitonte zemrën time, e skicova atë me gjithë detajet që ishin të rëndësishme për mua te një burrë dhe në mënyrë magjike ai u shfaq dhe i ra ziles së derës në fermën time,” shtoi ajo.
Epo, Yolanda e paska manifestuar!
Në vitin 2020, Hadid zbuloi se ishte "shumë e dashuruar" me Jingoli-n, i cili është CEO i një kompanie ndërtimi dhe zhvillimi. Hadid nuk i ka kursyer mesazhet virtuale të dashurisë për partnerin, sidomos në raste përvjetoresh.
"Gjithë jetën jam lutur për dikë si ti! Faleminderit që je një dritë kaq e bukur në jetën time. Je qetësia në stuhinë time dhe njeriu më i mirë që njoh...Gëzuar Joseph Jingoli! Të dua dhe të vlerësoj shumë!"
Artikuj të sugjeruar:
- Supermodelja rikthehet te Victoria’s Secret, pas 19 vitesh dhe njerëzit janë të emocionuar!
- Bella Hadid reagon pas kritikave për bashkëpunimin me Adidas
- Gigi dhe Bella na japin 2 super ide kombinimi për stilin kauboj
- Trendi i viteve '90 është rikthyer fuqishëm dhe gocat po e pëlqejnë gjithnjë e më shumë
- Bella Hadid, mahnitëse në Festivalin e Filmit në Kanë
Burimi: People
