Hailey Bieber duket e vendosur që t’i rikujtojë brezit të viteve ’90 disa nga filmat e njohur vizatimorë, ndërsa ky është postimi i parë virtual i influencueses pas lindjes së bebushit Jack Blues Bieber.
Me sa duket, Hailey nuk është ende gati që të shpërndajë foto të të porsalindurit, por në vend të kësaj postoi një moment me foto nga filmi i animuar i vitit 1989, “The Land Before Time” (“Toka përpara kohës”), në të cilin foshnja dinosaur Ducky del nga veza e mamasë.
Nëse ky klip ju jep ndjesi nostalgjie sepse e keni parë kur ishit fëmijë, atëherë urime! Ju jeni zyrtarisht në moshën për të qenë prind!
Bieber zgjodhi që ta postonte këtë moment nga filmi i animuar pa koment, por njerëzit e lexojnë qartë si një mesazh për mëmësinë dhe lindjen e bebushit. Kujtojmë që në 24 gusht, Justin Bieber ndau virtualisht me të gjithë lajmin për lindjen e bebushit.
“Mirë se erdhe në shtëpi Jack Blues Bieber,” shkroi këngëtari, teksa ka postuar edhe një foto të këmbëve të bebit dhe dorës së Hailey-t. Kjo e fundit ripostoi të njëjtën foto në Instagram-in e saj.
View this post on Instagram
Artikuj të sugjeruar:
Burimi: Glamour
