Më në fund mbaroi! E kemi fjalën për prapavijën e dytë të Mërkurit këtë vit, i cili si përherë, ka qenë i mbushur me keqkuptime, ndërprerje marrëdhëniesh e disfatash, por më në fund, mbaroi.

Mërkuri po kthehet në pozicionin e tij normal, duke i bërë dramat të shuhen ngadalë. Megjithatë, duhet të të themi se nuk është momenti të kërcesh nga gëzimi, pasi do të përballesh edhe me pasojat e prapavijës. Pra, që të jemi ekzaktë, do të marrim frymë lirisht vetëm në shtator, kur Mërkuri të largohet nga Luani dhe të shkojë te Virgjëresha.

Mërkuri është planeti i komunikimit dhe informacionit, ndaj është një ndër planetet më kryeneçë. Kur është në prapavijë, ti e tepron me mënyrën se si flet dhe me shumë gjasa, ndodhin shumë keqkuptime. Edhe pajisjet teknologjike mund të kenë probleme dhe po, është një lëmsh i vërtetë.

Kur Mërkuri shkon në rrugën e vet, mund ta ndjesh ndryshimin dhe ide të qarta dhe të bukura vijnë në kokën tënde. Ti mëson nga gabimet e së shkuarës, refleton, gjykon këndvështrimet që ke pasur më parë dhe kupton se si e shkuara ndikon në të tashmen, gjithnjë, për të marrë një leksion nga ato që kanë ndodhur.

Gradualisht, mendësia jote ndryshon dhe mendja del nga përgjumja. Tani, je një person më i kthjellët dhe mund të shohësh se ç’ndryshime ka sjellë prapavija me ty. Me cilin person/projekt u lidhe në të shkuarën? Ç’mësove? Ç’përjetove? Me cilat rrethana t’u desh të përballeshe?

Por, para se të largohemi, mos harro: Mërkuri është ende në Luan dhe sa për tani, nuk është momenti të marrësh vendime të mëdha. Mërkuri në Luan të jep një mendësi paksa egoiste dhe kjo mendësi përqafohet nga çdo shenjë horoskopi. Ndërkohë që mund ta fajësosh ngjarjen qiellore për gjithë çfarë ndodhi, mund të kesh një qasje tjetër: Të identifikosh gjërat që të mundojnë dhe të shohësh se si sillesh me të tjerët. Trego kujdes ndaj mënyrës se si flet dhe se si i dëgjon fjalët e të tjerëve. Një mendje e hapur ndaj informacionit të ri dhe sinqeriteti, me veten në radhë të parë, është shumë i rëndësishëm.

Artikuj të sugjeruar: