Vera, sado stinë e bukur dhe plot adrenalinë, ka disa anë negative sidomos kur bëhet fjalë për efektin që ajo ka te flokët dhe lëkura. Pavarësisht kujdesit me kremra ushqyes dhe me faktor mbrojtës SPF kundër rrezeve të diellit, sërish efektet për shkak të diellit, plazhit apo rërës janë të pashmangshme në lëkurë.
Nutricionisti Alberto Zamora thotë se përtej kujdesit me trajtime, njerëzit duhet t’i kushtojnë rëndësi edhe ushqimeve që konsumojnë për të parë të gjitha vlerat ushqyese që merren nga dieta ushqimore, e që afërmendsh ndikojnë edhe në gjendjen e lëkurës suaj.
Tre janë gjërat më të rëndësishme që u duhet kushtuar vëmendje, sidomos kur vjen puna te përzgjedhja e ushqimit: hidratimi, anti-oksidantët dhe vitaminat.
-Ushqimet që hidratojnë
Në verë, Zamora thotë se ushqimet klasike të stinës si shalqiri apo pjepri janë perfekte për të na ndihmuar të ruajmë nivelet e hidratimit. Gjithashtu, kastravecët, selinoja, kungujt apo spinaqi janë të tjera zgjedhje që nuk duhet të mungojnë në gatimet tuaja.
-Vitamina për rigjenerimin e lëkurës
Nutricionisti i njohur thekson se lëkura ka nevojë për lëndë ushqyese të mjaftueshme për t'u rigjeneruar, kështu që është e rëndësishme të shtoni ushqime që përmbajnë nivele të larta të vitaminave A, E dhe B në dietën tuaj. “Përveç kësaj, ne duhet të rrisim marrjen e vitaminës C, e cila është e nevojshme për formimin e duhur të kolagjenit dhe që ndihmon në ruajtjen e elasticitetit dhe fortësisë së lëkurës.” Agrumet si portokallet, limonët apo rrushi janë një burim i pasur dhe freskues i vitaminës C dhe jo vetëm.
-Anti-oksidantët për mbrojtjen nga dielli
Lëkura duhet mbrojtur nga ekspozimi në diell, sidomos në verë. Ushqimet nuk do e zëvendësojnë kurrë një krem ??të mirë mbrojtës nga dielli, i cili filtron rrezet UVA dhe UVB, por ato ndikojnë në mbrojtjen e lëkurës ndaj radikalëve të lirë që dielli i nxit brenda lëkurës dhe që përshpejtojnë procesin e plakjes. Boronicat janë një “bombë” anti-oksidantësh, plus kanë flavonoide, fenole, vitaminë E dhe vitaminë C. Brokoli, rrushi, karotat janë një pjesë tjetër që i shtohen listët dhe janë shumë të vlefshme për shëndetin e lëkurës suaj.
Artikuj të sugjeruar:
Burimi: Vogue
