Videoja prezantuese e filmit të ri “Emilia Pérez” ka sjellë një version tjetër të Selena Gomez që është edhe një prej aktoreve protagoniste. Selena bionde me flokët në versionin e shkurtër bob duket kaq ndryshe, sa gati nuk njihet në rolin e ri.
Ajo vendosi që t’u tregojë ndjekësve të saj copëza nga filmi i ri përmes një postimi në Instagram, ku Selena shfaqet me flokët e shkurtër mbi supe dhe 100% bionde, ndërsa prej shumë kohësh ajo nuk ka hequr dorë nga flokët e errët dhe brunë.
“Emilia Pérez” është një dramë muzikore që ka në fokus zhvillimet brenda një karteli droge në Meksikë. Ky është roli i parë i Gomez në gjuhën spanjolle.
“Gjëja më e frikshme ishte të flisje në spanjisht, sigurisht,” rrëfeu ajo për “Vanity Fair” pak kohë më parë.
View this post on Instagram
Filmi debutoi në “Festivalin e Filmit” në Kanë në fillim të këtij viti dhe Gomez mori pjesë në premierë e veshur me një fustan të kuq. Gomez, bashkë me dy yjet e tjerë të filmit. aktoret Zoe Zaldana dhe Karla Sofía Gascón, të cilat morën çmimin si aktoret më të mira në festival.
Për Gomez, "Emilia Perez" është një projekt shumë i veçantë, edhe për disa arsye të tjera.
"Kam kaluar shumë nga jeta ime duke u përpjekur të thyej idenë dhe perceptimin se kush jam," tha ajo për “The Hollywood Reporter”, duke shtuar se: "Regjisori Jacques, nuk dinte asgjë për mua, por thjesht më dha një shans dhe më besoi një punë kaq të madhe. Ndërsa unë, gjithmonë i zgjedh projektet sipas regjisorit, përmbajtjes, mesazheve etj,” përfundoi ajo.
Artikuj të sugjeruar:
- Selena Gomez dhe Google bëhen bashkë, në ndihmë të njerëzve që hasen me sfidat e shëndetit mendor
- Selena Gomez reagon pas zërave për ndërhyrje plastike
- Selena Gomez hyn në histori pas nominimit për çmimet Emmy 2024
- Selena Gomez flet për kritikat e njerëzve për lidhjen me Benny Blanco: “Ai është burim lumturie”
- Selena Gomez thotë se ajo dhe i dashuri janë gati të bëhen prindër
Burimi: Instyle
