Ditën e premte (23 gusht 2024), Justin dhe Hailey Bieber ndanë me të gjithë lajmin se bebushi i tyre kishte ardhur në jetë! Me një foto në Instagram-in e këngëtarit, ai shpërndau një foto të këmbës së bebit dhe dorës së Hailey-t, duke zbuluar njëherësh edhe emrin e veçantë të bebushit, Jack Blues Bieber.
Sipas mediave, emri paska një kuptim të veçantë dhe duket se është i lidhur me historinë dhe traditat e familjes Bieber.
Jack është emri i mesëm i babait të Justin, Jeremy Bieber. Ylli i popit, në fakt, nuk është rritur me babanë e tij, pasi prindërit u ndanë menjëherë pasi ai lindi. Por, Justin ka folur jo pak herë për raportin e veçantë që ka mbajtur me të atin, pavarësisht ndarjes së prindërve të tij. Ndërsa, “Blues” sipas “Daily Mail” tregon dashurinë e çiftit të famshëm për ritmet e muzikës blues dhe aspektin emocional që duan të shprehin përmes emrit të fëmijës së tyre.
Për më tepër, shumë Jack Blues Bieber ka edhe incialet e Justin Bieber, “JB”.
View this post on Instagram
Çifti i famshëm zbuloi lajmin e shtatzënisë në muajin maj përmes një serie fotosh dhe videosh në Instagram, ndërsa Hailey zbuloi se ishte gjashtë muajshe shtatzënë në momentin kur njoftoi se ishte në pritje të ëmbël.
Hailey ia doli me sukses që të mos na bënte të dyshonim asnjë grimë, për shkak të veshjeve të saj të gjera dhe stilit të modeles. E veshur me xhaketa të gjera serioze apo prej lëkure, pulovra oversize dhe me ca teknika që fshehin barkun e rrumbullakosur, Hailey, në mënyrë gjeniale na tregoi se po, mund ta fshehësh një shtatzëni, për plot 6 muaj!
Artikuj të sugjeruar:
- Prindër për herë të parë: Thuhet se Justin dhe Hailey janë në qiellin e shtatë
- Hailey dhe Justin bëhen prindër për herë të parë
- Njerëzit mendojnë se bebi Bieber ka ardhur në jetë
- Hailey Bieber u sigurua që të na provonte se stili retro është ende IN
- Hailey Bieber flet për komentet negative për martesën e saj me Justin Bieber
