Me sa duket vera nuk është stina perfekte për të gjithë! Nëse fotografitë apo videot nga plazhet, fundjavat e gjata dhe ushqimi i shijshëm na kujtojnë që ky sezon mbetet një nga më të bukurit dhe më të preferuarit për shumëkënd, ka të tjerë që e përjetojnë keq verën.
Me pak fjalë, këta persona përjetojnë atë që psikologët e quajnë “SAD” (seasonal affective disorder) apo çrregullimi emocional sezonal.
Çfarë duhet të dimë për këtë gjendje?
Njerëzit që e përjetojnë këtë çrregullim gjatë verës shpesh përjetojnë simptoma të ngjashme si ata me “SAD” dimëror ose depresion klinik, të tilla si humbja e interesit për aktivitetet argëtuese, ndjenja e zhgënjimit, ndjesia e pavlefshmërisë, mungesa e shpresës dhe vështirësi për t'u përqendruar.
"Mund të ketë edhe ndërprerje të gjumit të shoqëruara me ankth, për shkak të nervozizmit të shtuar," thotë Ayanna Abrams, psikologe klinike.
Simptoma të tjera më të zakonshme të këtij çrregullimi sezonal janë:
-Pagjumësia
-Nervozizmi
-Vështirësi në marrjen e vendimeve
-Shqetësime
-Episode të sjelljes së dhunshme
-Humbje e oreksit dhe peshës
Çfarë duhet të bëni nëse keni simptoma?
Ndërsa ekspertët e kuptojnë se gjendjen e “SAD” në verë, shumë njerëz që e përjetojnë atë nuk mendojnë se "duhet" të jenë në depresion në muajt e ngrohtë. Kjo i detyron ata të bëjnë gjëra nuk u pëlqejnë. Por, ka edhe një tjetër problem të madh: Ata nuk kërkojnë ndihmë.
“Është e rëndësishme të jeni në linjë me veten në mënyrë që të vini re këto lloj ndryshimesh në gjendjen dhe sjelljen tuaj me ndryshimin e temperaturave dhe ndryshimin e orëve të ditës,” thotë Abrams.
Si pikënisje, ju mund të bëni disa gjëra të vogla për të rregulluar gjendjen tuaj si një gjumë të rregullt dhe të plotë, ushqim i mirë dhe marrjen e vitaminave, sidomos vitaminën D që është e lidhur me ndryshimet e humorit. Këto ndryshime të vogla, thotë Abrams, "do të ndihmojnë në menaxhimin e ndryshimeve në nivelet tuaja të serotoninës në tru dhe hormonit të melatoninës", i cili punon me ritmin tuaj cirkadian, sipas klinikës Mayo.
Nga ana tjetër, profesionistët e fushës sugjerojnë që të shtoni në stilin tuaj të jetesës edhe meditimin, lëvizjet, ruajtjen e marrëdhënieve të shëndetshme etj. Pavarësisht se “SAD” nuk është një diagnozë klinike dhe mjekësore, sërish mund të ndikojë në përditshmërinë dhe stilin tuaj të jetesës, ndaj mbajini shënim sugjerimet e mësipërme.
Artikuj të sugjeruar:
- Që nga çrregullimet me gjumin deri tek ilaçet: 6 arsyet pse mund të ndiheni të lodhur
- Nëse keni probleme me gjumin ju mund të vuani nga këto 5 çrregullime
- Keni dëgjuar për anoreksinë dhe buliminë, por i dini çrregullimet më pak të njohura të të ngrënit?
- 2 çrregullimet e personalitetit të Amber Heard, sipas psikologes
- 5 çrregullime ushqimore që ndoshta s'i keni dëgjuar më parë: Keni ndonjërën prej tyre?
- Si të dallojmë çrregullimet në të folur që të mos themi këto fjali të papërshtatshme
