Shoqet e ngushta kalojnë qindra situata, që nga ato të sikletshmet, të vështirat, deri tek ato qesharaket. Që nga “lërja mi seen atij se e meriton”, deri te “më shiko pak mos jam bërë pis se më kanë ardhur periodat”, këto janë disa nga situatat më të zakonshme mes shoqesh:
 
“Bëji block urgjent”
 
E ke parasysh kur ai tipi që ti ke qejf thjesht kthehet në një nga çunat më të mërzitshëm ose të këqij që njeh? Ti mund ta shohësh me lenten e dashurisë, por shoqja e ngushtë është aty, si zëri i ndërgjegjes që të thotë: “Bëji mi block! Tani thashë!”.
 
“Moj, mos mbaj erë unë?”
 
Me një kalim i hundës nga sqetullat dhe një pyetje me njëfarë paniku në fytyrë, ti kthehesh nga shoqja e ngushtë dhe e pyet nëse mban erë djersë. Sigurisht, ajo të tregon të vërtetën dhe nëse ka, të jep antidjersën e saj.

“Dëgjo, po të vesh këto xhinset, më shkojnë me këtë bluzën?”
 
“Jo” thotë shoqja dhe ti s’e mendon më kurrë si kombinim!
 
“Më shiko çik’ mbrapa, mos jam bërë pis”
 
Të vijnë periodat dhe fatmirësisht, ke pranë shoqen e ngushtë, e cila ka taksiratin e keq të të kontrollojë 100 herë nëse je bërë pis apo jo.
 
“Ma ço horoskopin, aman”
 
Ka një shoqe që gjithnjë rri gati dhe gjen shenjën e horoskopit të saj dhe të shoqes së ngushtë. Meqë ra fjala, ja ku e ke horoskopin e gushtit dhe dërgoja shoqes.
 
“Pse s’i sheh ti ato që të çoj unë?”
 
1001 meme e video në TikTok? Po, veç shoqet e ngushta e bëjnë.

"Uaa, e di ça bëri filani?"

Filani, fisteku, kushëriri, halla, tezja, të gjithë bëjnë diçka që mund të diskutohet edhe me shoqen e ngushtë.