FOTO: Rocco Spaziani/Archivio Spaziani/Mondadori Portfolio via Getty

Vajza e Angelina Jolie dhe Brad Pitt ka ndryshuar emrin e saj! 18-vjeçarja, e cila ka mbajtur emrin Shiloh Nouvel Jolie-Pitt, do të ketë ligjërisht emrin Shiloh Jolie, sipas People. Adoleshentja fillimisht bëri kërkesë për të hequr mbiemrin e të atit, në muajin maj të këtij viti, sapo mbushi 18 vjeç.

Në korrik, kërkesa e Shiloh për të ndryshuar emrin u shty pasi një gjykatë vonoi seancën me pretendimin se nuk ishte lexuar e gjithë dosja e plotë dhe kërkesa e vajzës së aktorëve të famshëm.

“Fatkeqësisht, gjykata nuk ishte në gjendje të përfundonte kontrollin e gjithë historikut të dosjes dhe kërkesave, kështu që seanca u caktua për 19 gusht, pra ditën e djeshme,” u shpreh avokati i saj, Peter Levine.

"Të gjithë ata që i nënshtrohen një kërkese për ndryshimin e emrit duhet të kenë një kontroll nga nëpunësi i gjykatës dhe për shkak të një gabimi procedural, seanca dëgjimore për Shiloh u mbajt dje."

FOTO: Axelle/Bauer-Griffin/FilmMagic

Në korrik, Shiloh ndoqi hapin tjetër në procesin e ndryshimit të emrit në Kaliforni, duke njoftuar se ajo kishte paraqitur kërkesë për të ndryshuar emrin në Shiloh Jolie. Sipas ligjit të Kalifornisë, përpara se një gjyqtar të miratojë një peticion për të ndryshuar emrin, ai duhet të ketë formularët ligjorë të botuar në një gazetë për një muaj. Pasi të publikohet, kërkesa shfaqet më pas në seksionin e njoftimeve ligjore. Pasi u publikua në Los Angeles Times, mandej u vazhdua me gjithë procedurën ligjore.

Kujtojmë që pas kërkesës së Shiloh për të hequr dorë nga mbiemri i të atit Pitt, aktori nuk e fshehu zemërimin e tij.

“Ai është i vetëdijshëm dhe i mërzitur për faktin që e bija hoqi dorë nga mbiemri,” tha një burim për People. “Sigurisht që ky nuk është një vendim i lehtë, pasi Brad i do fëmijët e tij dhe ata i mungojnë realisht shumë”.

Artikuj të sugjeruar: