Me siguri që edhe ju keni dëgjuar të flitet për vetitë magjike të ujit me limon, ndërsa ka edhe plot syresh të tjerë që nuk kanë parë asnjë ndryshim edhe pas konsumit të tij. Asnjëra teori dhe as tjetra nuk duket se janë plotësisht të vërteta, pasi asnjë pije nuk mund të bëjë mrekulli. Por, uji me limon i siguron një sërë përfitimesh organizmit tonë dhe kjo është e sigurt sipas dietologut Montse Folcha.
Por, ka edhe disa arsye të tjera se pse ky ujë i bën mirë trupit dhe organizmit tonë!
#1 Parandalon fryrjen e barkut
Shumë njerëz e konsumojnë ujin me limon në stomak bosh dhe esëll në mëngjes për të ndihmuar në pastrimin e trupit dhe aktivizimin e metabolizmit. “Limoni jo vetëm që ka shije të fortë, por është edhe shumë acid në përmbajtje,” thotë Folcha. Por, sipas mjekut uji me limon e përmirëson gjendjen e fryrjes së barkut, por sidomos nëse shtoni borzilok, kopër, majdanoz etj.
#2 Përmirëson tretjen
Uji me limon ndihmon stomakun kur bëhet fjalë për sekretimin e lëngjeve gastrike. Kjo çon në tretje më të mirë në përgjithësi.
#3 Uji me limon e largon etjen
Limoni përmban shumë acide organike, si acidi citrik, të cilët stimulojnë pështymën dhe lehtësojnë etjen e vazhdueshme për ujë.
#4 Përmirëson pamjen e lëkurës
Lëkura do vitaminë C, e cila gjendet në të gjitha agrumet, përfshirë edhe limonin. Studimet tregojnë se konsumimi i vitaminës C ndikon pozitivisht në pamjen e lëkurës sonë dhe dietologu Folcha është dakord me këtë. “Vitamina C është e nevojshme për funksionimin e duhur të enëve të gjakut, për shëndetin e kockave, dhëmbëve dhe lëkurës. Ndihmon gjithashtu në formimin e kolagjenit, si dhe në përmirësimin e pamjes së lëkurës.”
#5 Ndikimi në shëndetin e përgjithshëm
Përveç ndikimit në tretje dhe pamje ne lëkurës, pirja e ujit me limon rregullisht është thjesht fantastike për mirëqenien e përgjithshme. Kjo pije mund të ndihmojë në stimulimin e sistemit imunitar, duke luftuar infeksionet dhe duke përmirësuar në tërësi organizmin dhe metabolizmin tuaj.
Artikuj të sugjeruar:
Burimi: Vogue
