Gjykata e Durrësit ka marrë vendimin për të liruar nga burgu Noizy-n (emri i vërtetë i të cilit është Rigels Rajku) kundrejt garancisë pasurore prej pesë milionë lekësh.

Noizy dhe DJ Crax (Bahtjar Bajraktari) u lanë në burg pas vendimit të gjykatës së Tiranës, pasi ata u  akuzuan për dhunimin e një personazhi të famshëm në TikTok, të quajtur Medi Iseni. Sipas vendimit të publikuar nga portali Lexo.al, reperi duhet të paguajë shumën brenda pesë ditëve në këmbim të lirisë.

Noizy u arrestua ditën e 7 gushtit nga forcat policore në Kune të Shëngjinit, ku po shkonte për të performuar në një klub nate.

Disa ditë më parë, avokati Besnik Berisha foli në një intervistë virtuale për “Kosova Today”, mbi arrestimin e reperit dhe gjendjen emocionale të tij brenda ambienteve të paraburgimit.

“Çështja është bartur në gjykatën e Durrësit. Besoj do të kemi një verdikt brenda javës. Nuk ka tendenca as nga Noizy e as nga unë që ta pengojmë procesin e nisur në Kosovë, madje po përpiqemi që të ndriçojmë gjithçka që ka ndodhur atë natë,” tha ai.

Pas pothuajse 10 ditëve në paraburgim, pritet që Noizy të lërë sot qelinë pas vendimit të Gjykatës së Durrësit për pagesën e pesë milionë lekëve si garanci pasurore.

Artikuj të sugjeruar: