Ish-ylli i “Barney and Friends” që e nisi karrierën në televizion kur ishte vetëm 10 vjeç, pikërisht me një serial të dedikuar për fëmijë, e ka ndarë mendjen për faktin se nëse një ditë do të bëhet nënë, nuk do t’i lejojë fëmijët e saj që të bëhen të famshëm, të paktën deri kur të mbushin 18 vjeç.
“Nëse ata do të duan të jenë pjesë e muzikës, sigurisht që unë si nënë do të isha e lumtur që t’i ndihmoja të studionin, por jo të përfshiheshin dhe të bëheshin të famshëm. Kjo, sepse dua t’i mbroj që të jenë të lumtur dhe të kenë një fëmijëri të tyren, të paktën deri 18 vjeç,” tha ajo për “Hollywood Reporter”.
Këngëtarja e "Heart Attack", e cila është fejuar me muzikantin Jutes, pranoi se do donte të kishte një plan rezervë në pjesën e karrierës, por që të mos kishte lidhje me muzikën.
“Sigurisht, unë jam përkushtuar te industria e muzikës, sepse kjo është ajo që më jep të ardhura. Por, nëse do më jepej mundësia për t’u përfshirë në filma apo kinematografi do isha e lumtur për këtë sepse është një tjetër zhanër që më pëlqen dhe më jep kënaqësi,” shtoi ajo.
Demi pranoi se gjatë viteve të adoleshencës kishte luftuar më shumë se bashkëmoshatarët e saj për pjesën e famës dhe problemeve me shëndetin mendor, por tani ndjen se është një periudhë të jetës ku ndihet e realizuar, sidomos në aspektin e dashurisë.
Artikuj të sugjeruar:
Burimi: Entertainment
